【C9特工】黎诺懿苦等十年终合作 马明：其实我惊无得捞
无线新剧《C9特工》昨日（5月15日）举行造型发布会，男主角马国明穿上背心、挂上围裙，一看就觉是《国产凌凌漆》猪肉佬，但原来他不斩猪肉，只卖菜。相对，另一男主角黎诺懿则官仔骨骨相当有型地扮演一个特工，难怪马国明有意见：“你睇黎诺懿一身造型就知公司将最靓最有型𠮶啲俾晒佢著，我呢啲就著最便宜戏服，我一拍埋去就输啦。”
继《甜言蜜语》（2008年拍毕）后，黎诺懿与马国明终于再有机会合作。对此，前者坦言期待了很久：“今次真系好开心，对上一部剧同马明合作已经事隔10年，今次接呢部剧最大原因真系马国明，因为我真系想同佢开工好耐，但一直都无咁嘅机会。虽然话大家同一间公司，但真系要遇见嘅话都要等10年。”
黎诺懿说得如此情深意真，但马国明竟然选择对黎诺懿避之则吉：“其实我系有避你嘅，因为我惊咗你神一般的男人，又惊搞到自己无得捞。（你都傻傻地，咪听佢乱讲。）”
二人除了在《C9特工》合作外，黎诺懿还希望可以在《降魔的2》继续合作：“我会向《降魔的2》监制伸请呀，我真系好想做马国明只精灵。（你要问下胡鸿钧得唔得㖞，唔系佢到时无得捞。）有一对精灵都得架啫，而且我要射箭。”黎诺懿要射箭，岂不抢了胡鸿钧的武器？那他还有什么可以射？“佢上次佢射咗箭，唔好成日射箭啦，好多嘢可以射架，今次射第二啲嘢，留返啲箭俾我射。”
提到高海宁孭飞做女主角，两位会否傍实兼教路，马国明说：“咁又唔使，因为之前拍《赌城》时见到佢都进步咗好多、好稳阵，所以而家公司先会开戏俾佢做女主角。”黎诺懿补充：“佢都唔系第一部做女主角啦，所以大家唔使惊唔使担心。”
就算不担心高Ling的演技，也担心她会否吃亏，真关二人都争著向监制伸请更多亲热戏，说笑般道：“伸请紧。（我一睇剧本就见到马国明头两集已经有喇！）系咩？（讲述我偷睇佢哋嘅时候，佢哋喺度亲热紧搞到我好嬲。已经有床戏喇，岂有此理！咁就俾马明先一步，但唔紧要，我希望剧情后续可以追赶到进度。）你啲亲热戏可能喺后段好多flashback。（咦，ok㖞，我会同监制倾下呢个问题。）”