【C9特工】高海宁嫁卖菜佬马国明 封胸唔性感：而家啲师奶好靓㗎
无线新剧《C9特工》今日举行记者会，再度担任女主角的高海宁在剧中是特工，亦是师奶，基于角色设定，一贯的性感演出将不会于新剧出现。“一啲唔性感架，同埋著裤居多，最多都系著得贴身少少，因为做特工点都有啲动作戏。去到师奶戏份时，监制仲会叫我将打底𠮶件背心拉高啲再高啲。（系咪即系做黄面婆？）而家啲C9都好靓架，有好多靓太架，但都真系要化淡妆。”高海宁说。
没有了性感演出，观众可专注于高Ling的演技，而且剧中更有两大男神──马国明及黎诺懿一同抢夺高Ling，发展出三角感情线。对于有两位猛男傍住拍剧，高Ling坦言没压力，反而觉得安心：“马明之前合作过《赌城群英会》，𠮶时同佢拍咗3个几月，都知佢系个nice又无脾气嘅人，所以同佢相处好舒服唔会有压力。至于黎诺懿，我哋合作咗好多次喇，头先佢仲话：‘见到高Ling都觉得闷喇。’我话：‘我见你唔闷咩？’所以基本上对住佢两个都唔系太大压力嘅，反而俾到安心感我，我先可以放松啲去睇下擦得出咩火花。”
火花，或者在两男一女的剧情中擦出，亦可能在亲热戏中擦出，事关黎诺懿曾笑指剧本首几场戏便已有马国明与高Ling的床戏。对于床戏，高Ling打了个突：“有床戏咩？点解我唔知嘅？实系佢两个乱讲啦，成日都话要加要加，又话要低胸啲。（如果佢哋真系说服到监制咁点算？）加咪加啰，边个怕边个啫，我唔怕架！”
其实，高Ling已不是第一次担正剧集女主角，对上一套是2017年拍毕的《婚姻合伙人》。对于首部担正女一的剧迟迟未播出，有指是剧情一般成为仓底剧，问到高Ling会否怕《婚姻合伙人》拍出无期，她说：“上年4月先拍完，啱啱1年啫，而且我上年年尾先去配音，因为我拍到最后失晒声，好多音要配。然后我见啲配乐依家都做晒，所以我估都快出架喇。”她还补充该剧故事很吸引，与杨明饰演夫妇的对手戏高潮一浪接一浪：“其实个故仔好好睇，平时啲故仔可能慢慢慢慢先入高潮，我哋一嚟就嘭嘭声架喇！男女主角两人性格都系硬碰硬，所以好多嗌交戏，嗌完之后又突然间狂锡，好激烈。我谂呢套剧系我拍最多锡戏嘅一套，基本上系多过我其他所有嘅作品加埋。”
【C9特工】黎诺懿苦等十年终合作 马明：其实我有避你，惊无得捞