【01型活墟】方健仪幽默感并非天生　儿时唔讲嘢被老师话“自闭”

讲起新闻主播，除了方东升之外，大家就一定会想起方健仪。其实方健仪2012年离开“无线电视”新闻主播一职之后，发展一直都不错。凭住其“玩得”的性格兼“幽默”之余又专业的报导风格，亦令她在司仪业内“如鱼得水”。

方健仪昨日为了《01型活墟》暨“贝智基金”举行的【陪著你跑】慈善路跑活动担任司仪。是次慈善路跑活动用路跑的形式，以表达对自闭症儿童的支持。方健仪接受《香港01》访问时说：“大家好简而然之觉得一啲唔讲嘢嘅小朋友就系自闭症儿童。”方健仪亦提到自己小学的时候，因性格过于文静而被误认为自闭症儿童。“我𠮶时嘅特点就系唔讲嘢又静，所以3年班嘅时候，我阿妈去家长日嘅时候，个班主任同佢讲：‘你个囡有病吖，佢有自闭症。’阿妈当时仲好惊添。”

方健仪：“呢件事其实都反映咗𠮶个年代大家对自闭症嘅唔了解。譬如我宜家有做港台节目《精灵多一点》，都访问过好多自闭症人仕。虽然佢哋言语上有障碍，但系可能佢哋内心系充满知识。我觉得要帮佢哋去发挥潜能，同埋多啲包容接纳佢哋。”

来到位于观塘海滨公园的《01型活墟@观塘》，方健仪表示感觉新鲜。“我觉得观塘东九龙一带系少咗类似嘅休憩地方。呢个位其实系补充咗一啲地区上嘅十足。同埋优势嘅地方就系佢面向维港，所以就唔单止系普通艺墟4幅墙咁简单，更加有一个好靓嘅风景，同埋我钟意佢好raw。”