【01型活墟】毛舜筠支持自闭症儿童：希望大家对佢哋友善啲
撰文： 林迅景
出版：更新：
毛舜筠于今届金像奖凭著《黄金花》夺得“最佳影后”。毛姐在《黄金花》中饰演自闭加中度智障儿子（凌文龙饰）的母亲（黄金花）。在戏中毛姐更是演出了“黄师奶”的坚强，令不少观众动容。毛姐为了投入角色，更与导演一起探访自闭症家庭。
毛舜筠（毛姐）接受《香港01》访问时说：“得奖之后，个心境就系谂亲都会笑， 谂下都好开心。但系生活嘅话就冇乜大分别嘅。仍然系有啱嘅剧本同角色，就会考虑拍。都系同以往一样，譬如我读完蓝带之后，我都会煮嘢，冇乜大分别。”
今天（4月28日）毛姐更身体力行支持自闭症儿童，出席一连两日的《01型活墟》暨“贝智基金”举行的【陪著你跑】慈善路跑活动。毛舜筠（毛姐）接受《香港01》访问时说：“现实中我都识好多有自闭症嘅朋友。其实好多有自闭症小朋友的父母，佢哋唔愿意带小朋友出嚟，佢哋会惊人哋笑佢哋，歧视自己嘅细路，我识得好多朋友都系咁样。所以我好希望香港市民可以多啲了解佢哋。就算喺街度，佢哋发病，大家个表情眼神都可以友善啲。再做多啲嘅话，当然搭下佢膊头讲句‘加油’就更加好啦。”
《黄金花》上映之后好评如潮，无论是自闭症家庭或市民大众都大受感动。毛姐接受访问表示，自己亦收到不少回响。“好大感受，为佢哋觉得我做得好似。我哋套戏所讲嘅生活就系佢哋嘅生活。正如台上嘅妈妈都有讲，佢哋会伤害自己。父母又制止唔到佢，真系会好难过好痛心。”
“01型活墟”在今天和明天会在观塘海滨公园VESSEL 01举行，集合本地Busker演出、频道主题活动、特色小食、本地手作及有机蔬菜摊档、工作坊，是香港人的周末乐活好去处！