【开心速递】出道八年靠送水辉上位 许家杰：最紧要系多谢林淑敏
讲到《爱·回家之开心速递》这个星期最火爆的角色，一定是由许家杰(Jack)饰演的送水辉，跟林淑敏饰演的大小姐重现《我的少女时代》青春的一幕，看得令人热血沸腾，更有人说许家杰真的有点像《我的少女时代》入面的王大陆。其实许家杰入行8年，演过的角色有很多，但要数到最为观众留下深刻印象，相信除了送水辉亦无出其右。
而Jack亦都坦承，送水辉这个角色是把他的演艺事业推上另一个层次，在接受《香港01》访问时，他说：“做完送水辉真系会多人认识我，送水辉可能呢个角色本身个设定好得意，永远都系著西装但系只系低级职员，又永远都jel行个头。咁同我以前啲角色好大分别，我以前永远都系烂挞挞，或者比较古惑仔嘅人，变咗送水辉就会被人觉得原来我都可以斯文白净，将另一面嘅许家杰俾人睇。”
除了被更多人认识之外，连收入也顺带提升，事关广告商也开始向送水辉埋手，但Jack却要感激一个人，他表示：“我之前做嘅多数都系一啲反派或者江湖人士，对于广告商系会却步。送水辉系会令我喺广告或者其他收入上系多咗，呢个系事实，不过最紧要系多谢林淑敏大小姐，好多时个job其实系佢，但佢会推荐埋我一齐去做，久而久之会变咗情侣档出现。大小姐因为已经好多人识佢，到送水辉出现，一啲关于情侣档嘅制作或者节目就会揾我哋，所谓嘅‘人气CP’，呢个真系好多谢淑敏喇。”
除了大小姐之外，其实幕后的人员也功不可没，他说多得监制容许他拍《爱·回家之开心速递》之余还可以接其他剧，因为正常是拍一套剧就一套剧。他还说：“仲有要多谢呢套剧嘅监制、导演同编审，尤其是系编审落咗好多剧本上嘅力，你见到20几分钟一集嘅处境剧，其实佢哋落咗好多功夫去丰富呢套剧，一定系居功至伟。”
对于自己近来在《爱·回家之开心速递》和《果栏中的江湖大嫂》都有相当的戏份，接著的《栋仁的时光》更是饰演反派一号，重头剧《兄弟》也是重要角色，是否正在被TVB力捧呢？他说：“我又无呢个感觉，我觉得好多时呢啲角色，系以前有揾我嘅监制继续揾我，呢样嘢我好开心，原来自己以前一啲唔起眼嘅角色佢哋会留到意，知我好想喺行呢发展，好想做戏。佢哋会一次又一次咁俾多啲机会我，例如《兄弟》嘅监制系以前《飞虎》嘅监制，其实《飞虎》1同2我都有参与，佢一路都会继续揾我，我真系好感谢佢。另外嚟紧会拍《翻转贵利王》，系材叔梁材远先生拍嘅，佢亦都系《果栏》嘅监制，佢每次俾我嘅角色亦都系愈来愈重，系我同佢之间建立咗嘅信任。”一个演员努力是会得到回报的，许家杰便是其中一个好例子。