【果栏中的江湖大嫂】监制梁材远劲赞冯盈盈：开金庸戏佢系首选
撰文： 林迅景
出版：更新：
《果栏中的江湖大嫂》30集都已经播完，日前（4月13日）各位演员与台前幕后工作人员相约一起食饭睇大结局。就连人称“材叔”的剧集监制梁材远也有出席。监制梁材远接受《香港01》访问时说：“大结局就未知几多收视，大约系25，6点左右。”
《果栏中的江湖大嫂》成绩兼口碑反应这么好，材叔又会不会“添食”再开同类型剧目呢？监制梁材远说：“如果再开嘅话就系第2个题材㗎啦，希望可以同伍立光（编剧）合作。”伍立光：“下套鱼栏啰，哈哈。”梁材远：“事实上编剧佢哋做咗好多功夫，做咗好多资料搜集。其实好多嘢我哋唔系作嘅。政府搬迁计划都系真嘅。果栏其实系一个好另类嘅地方。果栏商会会长祥哥都话，𠮶度比之前塞车咗好多，啲人好奇多咗人落去。”
监制梁材远：“我好欣赏呢班演员，希望台前幕后啲脚都可以再夹。譬如我哋之前做过长洲，宜家南丫岛都想揾我哋合作。但系长洲同南丫岛啲故仔又好近似，我哋围村又做咗，鲤鱼门又做埋。其实都系想揾一啲新嘅社区去做，社区故仔就贴地啲。”
材叔：“其实追戏睇嘅人好多，你要睇嘅套戏都有。有人觉得套戏有好传统嘅道德同价值观，但系又唔传统，冯盈盈𠮶条线又好鬼出轨，好离谱。其实编剧佢哋真系度得几好。唔好甩咗啲年青观众，我觉得最紧要。（点解会揾冯盈盈拍剧，仲要第一次就咁多戏份？）其实我哋做监制有责任去发掘多啲新面孔。其实成日拍嚟拍去都系呢班或者有啲出咗去发达就会冇得用。”
材叔：“今次我哋发掘到冯盈盈呢个新星啦，我觉得佢好有潜质。呢个𡃁妹好勤力，佢胜在挨得。每一次宣传佢都会好出力帮手，呢样我觉得好难得。喺宜家2018年，大家好忙碌好容易红嘅时候，佢都ok嘅。（材叔你好睇好冯盈盈？）我好睇好佢㗎。我觉得宜家开金庸小说嘅戏，佢系首选。（咩角色？）佢啱做殷素素。”编剧伍立光：“佢有啲野性吖嘛。”