【果栏中的江湖大嫂】冯盈盈世界级喊戏演技受赞赏：要多谢爸爸

《果栏中的江湖大嫂》星期五就是大结局，相信不少观众都好期待故事的发展。不过上一集就讲到小狼女（冯盈盈饰）的亲大佬勇哥（黄嘉乐饰）为救友美（江嘉敏饰）而被袭击死去。当中除了江嘉敏的喊戏演得出色之外，初次拍剧的冯盈盈对在殓房认尸的一幕喊戏也同样令观众拍烂手掌。

冯盈盈今日出席手机活动时，接受《香港01》访问。冯盈盈说：“点解大家会话我好呢，其实系因为我新人第一次拍戏。见到我喊得出已经‘哗’（拍手），已经好意外同惊喜。的而且确，我为咗呢一场喊戏，一个礼拜前已经开始准备。”

冯盈盈仲分享了一个拍摄喊戏之前的趣事。“𠮶日拍之前仲吓亲个化妆姐姐。因为佢帮我画画下嘅时候，我开始喊。佢仲以为：‘我系咪化得好差，整到妳’。我话：‘唔系呀，我死咗阿哥。’之后我先同佢解释返喺剧入面死阿哥。”问到冯盈盈如何培养情绪，她说：“之前帮《香港01》专访（访问按此）都讲过，听CAllStar嘅歌。因为我现实中冇阿哥，唯有就谂阿爸死咗，不过佢仲健在嘅。所以就，多谢爸爸啦。”