谷阿莫玩抖音变装长发“美”女　网民笑骂“妖艳贱货”

内地音乐社交平台抖音，短短年半间在中国爆红，这是一个以年轻人为主嘅15秒音乐短片软件，用户可以通过呢款软体选择歌曲，拍摄15秒嘅音乐短片。大家间中都会喺Facebook见到好多人Share抖音啲短片合辑，唔少名人都有玩，包括Angelababy、鹿晗、迪丽热巴、陈乔恩同邓超等。

抖音上成日出现唔同系列嘅短片，其中以“Karma is a bitch”为背景音乐嘅化妆短片最受欢迎。拍片者前一秒素颜似大妈，下一秒就变女神，惊吓程度爆灯。网络红人谷阿莫都有玩埋一份，佢日前喺Facebook上载短片，前一秒系谷阿莫，下一秒就变装大眼长发“美”女，仲摆出娇媚嘅表情。不过佢最后一秒用返谷阿莫声线讲：“我是谷阿莫！”反差极大。睇返谷阿莫个妆好似over咗少少，连佢自己都话好似变咗人妖，而佢经常喺啲片度闹人“妖艳贱货”，今次就畀网友笑返佢就系“妖艳贱货”。