【逆缘】林夏薇“眼镜娘”造型大受好评　“我出街都戴眼镜”

《逆缘》剧中，要说Aki（林夏薇饰）的另一个特色，就不得不提她的“眼镜娘”造型。访问时，就连林夏薇都知“眼镜娘”造型大受网民欢迎：“我都有睇到，‘眼镜娘’吖嘛，咁咪好啰。我自己都钟意呢个造型，呢个造型我都有份参与设计。我觉得同之前好唔同，因为以前我多数都系比较男人婆啲，而呢个中日混血儿就比较斯文温柔，讲嘢有比较轻啲，所以可能就会俾到大家有另一种感觉。（咩感觉？）唔…日式嘅感觉。”

问到林夏薇对Aki这个角色的参与度有多少，她说：“之前咪话《乘胜追击》戴眼镜上身冇著衫引起大家回响，所以今次我都想试一试。同埋本身监制都有提议我戴眼镜，（平时都系戴眼镜？）我喺屋企都会戴，或者有时出街casual啲都会。（近视几度？）200至300左右。，所以我都少戴，我戴咗眼镜好似好眼瞓咁。（副眼镜系私伙嘅？）系吖，所以我咪话我有份参与啰，因为我要拣一副适合自己又斯文啲嘅眼镜。”