【果栏．专访】冯盈盈亲口同妈妈讲对唔住 叮嘱男朋友要生性
《果栏中的江湖大嫂》已经去到结局篇，讲到近几集最抢眼的角色一定是饰演“小狼女”的冯盈盈(Crystal)。自从饰演她哥哥的黄嘉乐死了后，冯盈盈便一心想著报仇，基本上整个人都被报仇的心态冲昏了头脑，还想自己将杀哥仇人李天翔亲手推落楼，认真疯狂！
在剧中，冯盈盈是一个十分重视亲情的人，对哥哥黄嘉乐是誓死维护。而在现实中，她也是一个对家庭十分看重的人，因此在进入娱乐圈后，因为自己的曝光而令到家庭受到影响，感到十分愧疚，亦因此她有一番感言想对屋企人表达，其中还有男朋友份添！
服装：mi - tu, MAGinSHOP
Hair : Tonnis Lee@Hair Salon
Makeup : Moe Lo@Moe’s Makeup
当初Crystal选择在香港大学修读食物及营养学，全因为弟弟自小便患有肾病，为了令自己有更多的能力去照顾细佬，所以便选择修读此科。“其实而家情况好好多，医学昌明嘛，佢而家每隔几年就去打一次针，中间终于可以停咗类固醇呢啲好重（药性）嘅药，同埋亦都唔使好严格咁戒口。”除了帮细佬调理身体，读营养学还有另一种用途，她说：“爸爸妈妈年纪开始大，身体上都会有啲常见嘅都市毛病，呢个时候我都有用，可以叫佢哋食少啲某啲食物。一啲以为我以为好易嘅食物常识，原来屋企人都需要提点，𠮶吓我都觉得自己几有用。”当初为家人选择这一科，虽然细佬已经病情受控，但Crystal并不后悔选择行这条路。
有一颗为家人服务的心，相信Crystal和家人的关系都相当不错，她表示：“的确同屋企人关系唔错，因为一齐住每日都会见，虽然入咗行之后，相处嘅时间会少咗，一啲家庭聚会会去唔到，因为要做嘢嘛。但心入面会觉得，屋企人真系好钖你，做嘢上面好多时都要屋企人帮，例如出门做嘢要执行李，会帮我执嘢、call车，晨早流流嘈醒晒佢哋都无诈型。”
虽然关系好好，但Crystal都因为自己而对家人愧疚，最大原因就是当她入行后，亦令其家人受到影响。“当选（港姐）完被人起底，佢哋好多资料都被公开，不过佢哋都无投诉，亦都无怪过我，我都觉得佢哋好厉害，我觉得我入咗呢行最辛苦都系屋企人。虽然记者无乜都起佢哋好多资料，好在都无乜特别话啲咩，最多都系话我阿妈好似深田恭子。”好彩都似系赞多过弹。
除了这件事之外，Crystal还说自己初初入行的难挨时期，全靠屋企人支持才能撑下去，她说：“坦白讲，入行初期揾钱真系唔多，但都有一定开支，例如出镜嘅形象大大小小都要钱。屋企人不但唔怪我唔拎钱返屋企，仲会无条件咁帮我，有时仲会帮我买埋衫。选紧𠮶阵直头系失业喇，选完读训练班之后我都系当学紧嘢，当我真系做艺人之后都有俾返家用。”
最后，《香港01》为她设下一道题，就是想跟家人说甚么肺腑之言，当中还包括了男朋友。
“爸爸，放心喇，我系无变到，只系有时太累我唔想讲嘢，但系如果俾我休息返几日我系会变返正常㗎，同埋好多谢你一直无条件咁支持我。”
“妈妈，对唔住，我知道我有时情绪唔系几好，讲嘢会好‘堀’，对你好似有啲恶，其实都系𠮶句，做嘢太累喇。如果之后有多啲时间休息，我会同你去日本旅行，我希望有机会同成家一齐去旅行，两年内喇。”
“细佬，唔好意思，我成日用累做籍口点你做嘢，放心喇，我知你想要啲咩，我会放多啲好食嘅嘢俾你。可能由细到大佢都要戒口，所以到而家无乜事就想食多啲好嘢。”
“男朋友，你生性啲喇，你睇吓我已经有几咁明确嘅目标，努力做人，发奋工作，所以你都要积极，努力上进。好好读好你嘅书，考好你嘅牌，储多啲钱，唔好打咁多机，然后一齐咁努力，就可以储钱娶我。”
【果栏‧黄浩然‧专访一】因为患病令他转变：以前我系唔注重休息
【果栏‧黄浩然‧专访二】令老婆难受：我唔识去pick up家庭生活
【果栏‧黄浩然‧专访三】绯闻绝缘体：就算揽住都唔会觉得有企图