林志玲做瑜伽弯腰失守　网友质疑佢系咪特登唔打底博走光？

林志玲同言承旭兜兜转转纠缠咗16年嘅感情，应该系大家最近茶余饭后嘅话题，之前就传出佢哋再续前缘有望开花结果，但最近就有人话因为言承旭玩失踪，所以令林志玲唔再同佢继续行落去，甚至出到声话自己“我现在没有爱情”。唔知系唔系呢件事太Hit，连带有人翻摷啲旧相出嚟讲，最近微博疯传几张林志玲几年前做瑜伽嘅相，而相中嘅林志玲就因为领口太低而走光，有网友见到咁仲问林志玲系唔系冇著内衣。

有网友见到呢几张相就笑住话要“给摄影师加鸡腿”，亦有人问林志玲系咪有心唔著打底。有传媒就指林志玲透过助理驳斥佢“唔打底”嘅传言，话呢几张相系佢2013年同黄渤宣传电影《101次求婚》时影嘅，所以冇可能上镜而唔著胸围内衣，如果系真嘅当时就已经系大新闻咁。其实难怪呢件事即使系翻炒都炒得咁热，仲搞到林志玲都忍唔住回应嘅，因为贴图嘅“娱蜀黍”系知名网络娱评人，有成200万个Follower咁多。