同言承旭感情又有变？　林志玲4题快问快答：我现在没有爱情

“世界最遥远嘅距离”到底系啲乜？大家可能各有解说，其中一个，可能会系林志玲同言承旭嘅关系。兜兜转转15年，大家都希望佢哋可以快啲开花结果。上年年尾二人喺大马密会后，同居、怀孕、秘婚各种传闻应有尽有，旁人比佢哋都更为肉紧。呢日林志玲喺杜拜出席活动时，讲咗一句：“我现在没有爱情”，吓！咁即系又破局？

林志玲开口谈与言承旭关系：如果确定是爱一定毫不犹豫

今年2月志玲姐姐因病宣传停工休息，到3月初复工时看似变得圆润，被外界揣测佢系有咗BB要安胎，又传3月会同言承旭到峇里岛举行婚礼。4月都到啦，肚就未见凸出，说好的婚礼又无相片流出，整个3月林志玲去齐瑞士、德国、西班牙，再去到杜拜，似乎所有嘢都系得个传字。呢日林志玲飞到杜拜出席剪彩活动，亲自回应各项传闻，不过答案似乎同大家想像中有啲出入。

传言承旭林志玲同居 经理人澄清相中人原来系“佢”

志玲呢日身穿贴身长裙现身，腹部平坦点睇都唔似有喜，块面亦变返尖，状态大勇。佢接受访问时用决绝嘅语气否认结咗婚兼有喜，一连4题快问快答：“我没有怀孕”、“我没有结婚”、“我这个月没去过峇里岛”、“我现在没有恋情”，仲话以自己个性，如果有就一定会同大家分享，笑言：“每年都有老师算我会嫁，谢谢老师们，但我真的还没有。”睇嚟努力咗几个月，同言承旭始终未能再行前一步。