沈卓盈独门秘诀唔敷Mask一样皮肤靓靓　仲有必备时尚穿搭单品推介

艺人沈卓盈（Jess）早几日刚刚过完自己34岁牛一，日前带病上阵，出席TVB活动“四月星辰”。出道咁多年，Jess无论样貌同身材都keep得好好，肤白貌美，但是你绝对估唔到的是，她竟然从不敷mask，饮食上都不会特别戒口，不过秘诀就系要识得控制：“我今日食多咗好多嘢啦，我系乜都食嘅，咁第二日我就会清减啲啰，如果之后再食多咗，就要去做运动啦，去burn fat。”想要keep fit的女仔听住啦，Jess还叮嘱大家一定要均衡饮食，多做运动，饮水同食生果都好重要呀！

唔讲唔觉，其实Jess私下著衫都几有品位。原来她都好钟意fashion，对穿衣搭配好有自己见解，希望同大家分享，其实未必要牌子或者好贵的衫都可以衬得靓。好似前排她去英国同欧洲旅行，当地人个个出街都会扮得好精致，所以她都好有心思去配搭服装，衬返当地的文化，时下好兴的贝雷帽、印花衬衣同印花连身裙她都一一俱备。风格上来讲，Jess就偏好不同类型的style，好似牛仔褛、波鞋、boot等等，都是她平日衬衫的利器，各种类型都会尝试，期盼每次都可以带俾观众新鲜感。

扮靓是每个女人的天性，如果要选择一件必不可少的fashion item，Jess就推荐首饰：“我屋企最多嘅就系accessories，我钟意储，因为好百搭。每次出街衬唔同嘅首饰都会有唔同嘅感觉，同埋比较型格啲啦。如果衬女仔啲嘅，可以戴珠嘅耳环，都可以显现女性嘅一面，其实最紧要就系唔同造型配搭唔同嘅饰物，就会更加凸显造型。或者可以试下戴帽啦，因为帽其实都可以好多款，唔同颜色，咁可以配搭唔同嘅衫啰。”其实配搭首饰真是好重要，单是一对耳环、一只戒指或者颈链，成个look都会唔同。所以如果大家有时觉得太单调，不妨学下Jess戴首饰或帽加以点缀啦。