【包青天】地狱通告安排失当玩死演员 李嘉投诉：食完药都无病假
《包青天再起风云》这套剧在拍摄途中已经闹出不少事件，继早前有些演员连名字都没有印在宣传海报上，昨日李嘉又在网上呻编更出现问题，明明0330通告，但原来要等到午饭后再开始拍摄。更加令人气愤的是，原来男主角谭俊彦试过拍十几个钟，休息一个钟后，再拍十几个钟，究竟系发生咩事？
《包青天再起风云》的剧组这段时间都有横店拍摄，TVB出外地取境，当然希望尽快完成事件，预算就可以相对地少。不过因何事搞到李嘉如此火滚呢？在接受《香港01》访问时，李嘉表示：“事缘系咁，𠮶日落通告系0330，咁后来我哋换好晒衫化好晒妆准备出发，个导演先发现头场原来无我哋，同埋我哋开封四子（李嘉、谭坤伦、李日升和黄耀英）加埋公孙先生（曹永廉）结果系无出发到，等到1000先出发。”
李嘉续说：“去到现场都差唔多放饭，之后先到我哋埋位，有时呢方面个编排系几失当，加上早几日我又病咗，因为横店呢边忽冷忽热，剧组都有唔少同事感冒。咁去咗当地睇医生，仲开始发烧，其实食完药都无得休息请病假，所以休息时间对我哋嚟讲真系好重要，如果唔考虑呢样嘢，咁样排更，去到要等几个钟，你话呢几个钟如果俾我哋休息会唔会更加好呢？”其实这种编更失当的情况，只要有关工作人员多加留心，根本可以杜绝这些事情。
事件还未完，李嘉表示男主角谭俊彦更加辛苦，他说：“同埋有时啲通告系好离谱，其实男主角仲辛苦，佢系收2700（即凌晨3点），之后要佢开0330再接一个通告化妆，基本上佢系得一个钟头休息，衰啲讲连妆都唔使落直接再开工，精神唔够嘅情况下点样去拍戏先？之前喺香港我都试过，佢哋系安排收工收凌晨5点，之后开朝早8点，仲要系拍打戏。所以有时呢种模式系忽略咗演员，因为演员系人唔系机器，无可能做完十几个钟，熄机一个钟，之后再开机十几个钟，无人会挨得住。”
其实一个演员，想要做好一件事，除了演技之外，足够的休息也是相当紧要。李嘉表示：“其实做任何嘢都好，休息系好紧要。而家TVB拍摄方式，追求拍出嚟个镜头要靓，以前三机拍摄，而家变咗两机拍，但系拍嘅shot系多咗。演员同一段戏以前可以四到五take就搞掂，但而家要做十几take，系未计你ng㖞。返到去系可以剪得好靓，但咁样系加重咗演员个工作负担，咁如果再喺通告上面唔调整，仍然系用3机拍摄𠮶种chur法，𠮶种咁赶住要拍晒啲嘢嘅高密度拍摄，变咗系一件好辛苦嘅事。你话要追大陆拍摄水准，无错大陆的确系咁拍，但唔好忘记，大陆嘅资金同时间都俾你多得多。其实系软件方面跟唔到，剩系跟硬件例如啲靓嘅机，但有无考虑过演员承唔承受到呢？呢个先系最大因素。”
李嘉闹《包青天》导演唔识尊重演员 武神爆seed：唔系靠大声靠恶
其实追求拍出来的效果靓并没有错，要追上大陆的进度简直是明确的目标，但的确要有相关的配件去支持，至少不能强硬增加演员的工作量，这只会得不偿失，李嘉最后说：“有好多时会见到演员不停重复重复拍同一个take，已经累到连讲句说话都辛苦，仲点搞到好嘅戏出嚟呢？镜头系靓嘅，要咁靓不如去拍硬照。其实我都唔知而家系成个TVB都系用呢种方式去拍摄，定系剩系某啲剧先用呢种模式，我自己会觉得如果咁样拍对演系辛苦，希望下一部剧唔好遇到呢种情况喇，读稿都难喇，唔好话做戏。”希望TVB可以好好认真考虑这个问题吧。