吴浩康日做16小时享受当“网络歌手”：赚钱够使过大部分人

吴浩康（Deep）上年2017刚开了首个大型音乐会，乐迷终于可以过足瘾一晚听晒吴浩康的作品。昨日（3月24日）他又在铜锣湾闹市中的小型音乐会上一展歌喉，更即席唱了新歌《阶砖三》，听得台下歌迷如痴如醉。台上他更说到，自己现在是一名“网络歌手”，似有弦外之音。

吴浩康接受《香港01》访问时说：“极其量我会咁睇，我只系一个有派台歌嘅网络歌手。其实而家我好多时发表我嘅音乐，当中有好多实验性嘅事我可以做到。打个比喻我想唱一只好‘冷门’嘅歌，我喺演唱会30只歌入面，都冇可能唱到半只。（冷门歌系边首？）其实都唔算冷门，譬如系林忆莲姐姐嘅歌。好多时我哋做歌手都好想唱返啲正嘢，喺网上就可以做到。所以我都几enjoy而家呢一种方式。”

好多人提起“网络歌手”之名，就会觉得“揾唔到食”。吴浩康却回答说：“好多时都有人问会唔会出唱片，其实我钟意嘅只系唱歌，同关注系咪做紧音乐。衰啲讲句，我唔系嚣张，托赖我都够食够使过大部分人，哈哈。其实我一日工作时间系超过16个钟头。我哋做人唔好睇自己upgrade定down grade，我哋要睇嘅系作品嘅grading，而唔系睇自己嘅所谓新指数。所以追梦系要兼顾揾食，因为要为屋企人负责任，要为自己生活负责任。”