【世界难捞】古巨基为宣传个唱出尽力　杀落巴士站挑战发呆一分钟

踏入3月尾春天已经来临，唔太冻又未开始炎热，天气咁好真系想咩都唔做，食完午餐发下呆瞓晏觉，人生一大乐事呀！之前喺网上掀起热烈讨论嘅发呆比赛，下星期嚟到香港举行，唔少艺人好似张继聪、方力申都有拍片挑战，呢日就轮到古巨基，佢仲走上街头定格发呆，面对络绎不绝嘅市民影相打卡，会唔会令佢挑战失败呢？

【发呆比赛】方力申张继聪tag 人斗发梦　全城挑战发呆1分钟

【情人节．有片】古巨基亲唱高登神曲《毒男》：今天无惧放闪

喺屋企发呆有咩难，基仔就话：“应侧田邀请做呢个发呆一分钟，一系唔做，一系就好玩得意啲。”佢著上一件类似星战白兵外套，走到一个巴士站，企喺自己红馆个唱海报前面，挑战发呆一分钟。途人一开始好奇系咪真人，然后陆续有人企埋去自拍，有位女士仲话唔知抓痒佢又会唔会笑。一分钟过去，基仔终于郁得返，佢话：“原来一分钟唔郁条腰好攰架”仲笑言“眼睛不能没眼泪，个口不能没口水。”

【咁唔小心呀】古巨基自爆入错女厕：我呆了一秒才反应过来

古巨基铜锣湾Busking唱儿歌medley 卡通版《劲歌金曲》面世啦！

之后基仔再拎住50蚊揾人兑换散银，亲自搭巴士同乘客自拍相当亲民，原来一切都系为咗宣传演唱会优先订票消息，呢招走入人群真系相当贴地呀，网上讨论区有好多人po相话见到基仔，宣传效果十足。其实基仔已经唔系第一次走上街头宣传，之前就试过忽然去到铜锣湾Busking，吸引大批途人围观，睇嚟以后出街真系要落足眼力，基仔随时喺左近呀。