林保怡陈慧珊几时复出合作拍剧？　保怡：第一日开公司已经有打算

林保怡（Bowie）与陈慧珊（Floria）今日（3月18日）接受郭秀云（Sharon）邀请担任“海峰环保教育”的环保义工，齐齐到南丫岛海滩执垃圾。虽然陈慧珊（Flora）因事未能一同前往，但亦有到码头支持环保活动。问到为何会参与这次的环保活动时，郭秀云说：“佢哋都系香港人代表，其实每个人都可以出一分力。同埋佢哋出嚟讲会多啲人知道。”林保怡就风趣的回答说：“因为我哋靓仔靓女啰！”

说起海滩执垃圾的行动，陈慧珊表示环保的习惯其实可以由小时候开始。“举个例子，就系我小时候爸爸妈妈，我爸爸系老师嚟嘅。其实我细个已经同我爸爸去沙滩垃圾，我哋成家人都会做呢样嘢。之后到我大个嘅时候，我个女间学校亦都有呢啲活动。所以我今日可以参与，我都觉得好有意义。”唔怪得今日Floria老公Mike同囡囡都有到场啦。

除了享受家庭乐之外，其实陈慧珊正在修读儿童教育的博士课程。在最近的ViuTV节目《婚姻五重奏》中，陈慧珊更有份成为其中一集的主持。“一开始佢哋揾我去做婚姻呢个题目。但系我就诟想放一啲教育有关嘅事落去，所以就去咗一间学校，仲会同一班12年班嘅学生去倾将来嘅计划，点样将正面信息分享俾个世界。”陈慧珊更表示，自己须享受这个传递正面信息给其他人的过程：“唔需要等到我博士毕业先去教育下一代，其他我每日都做紧呢方面嘅工作。”

林保怡接受《香港01》访问时笑言，出席是次环保活动的原因是“太得闲”。他说：“我冇嘢做吖嘛。平时除咗同导演倾剧本之外，就系跑步、行山做运动。所以Sharon一揾我话去‘执垃圾’嘅时候，我就话‘好吖好吖’。”

林保怡与陈慧珊一直是电视观众心目中认为是非常合衬的一对。其实1997年出品的《鉴证实录》依旧为人所津津乐道。林保怡近年更成为了自己的制作人公司，实行自己剧集自己拍。问到会否邀请Floria一同拍剧时，他回答说：“我第一日整间制作人公司嘅时候，已经有打算揾Floria合作。其实《鉴证实录》宜家中国大陆仲有播紧，咁多年嚟喺网上都有好多人问几时会一齐拍剧。当然我唔系要佢再做医生或者律师。（会揾Floria做角色？）未知。（几时会再合作？）唔知，我唔敢立乱答呢啲嘢，不过一定有机会。”睇嚟不久将来真系有机会经典营幕情侣㖞。