【波士早晨】陈慧珊被消失欠人情味？　监制关永忠：好似一路都系

沉底3年的仓底剧《波士早晨》终于见街，可是却被TVB由20集再Cut变成15集，反映了仓底剧的命运。而《波士早晨》是由去年已离职的关永忠监制，问到其作品被cut，他当下的回应是：“我连套剧要出街都唔知，佢哋（TVB）都冇同我讲。”

关永忠直言离开TVB之后，除了有部份台前幕后尚有联络，就算剧集出街，TVB有关管理层都没有主动联络：“都好耐冇联络喇！佢哋有啲咩安排我都唔知道，就算剪走𠮶五集，都唔系我剪。（剧集活动都冇邀请你去？）真系冇呀。”当关永忠后来得知剧中女主角陈慧珊在海报“被消失”，他表示好奇：“系咩？我冇留意呀…不过公司点样安排啲资源，剧集点样剪，都唔系我决定㗎。”人去茶凉，问到TVB如此举动是否有点冷漠？关永忠坦言：“其实好似一路以嚟都系咁…我指佢哋可能政策问题，所以要咁样做，令到大家有咁嘅感觉。”

离开TVB之后，关永忠目前还是自由身，周不时会接工作：“打工仔谂法，边度揾到钱就会去边度。所以冇话要去边度发展，有时接到喺香港做嘢，就系香港；接到要上大陆，就去大陆。”至于收入会否有变动？关永忠说：“冇刻意去计多定少，都叫做过到生活。以前喺TVB好在粮期准，就会稳定啲；而家就会自由啲，想接咩就接咩啰。”既然TVB比较稳定的话，如果对方叫他回巢，又会否考虑？关永忠想也不想地说：“唔会喇…其实我都几Enjoy而家嘅工作同生活。”