霍金点止物理学家咁简单　仲系宇宙级摇滚巨星

享誉全球嘅天才级物理学家霍金（Stephen Hawking）今日逝世，享年76岁。佢除咗喺学术上贡献良多，更多次在影视节目上亮相，主持过《霍金天才教室》、《霍金的宇宙大探索》等，可以话系半个艺人。其实佢喺演艺路上都有过好多唔同嘅搞作，你话佢系“摇滚巨星”都绝不为过。

点解？因为霍金曾经喺2014年时同英国老牌乐队Pink Floyd合作过《Talkin’ Hawkin》，喺一段激昂音乐里面，用佢把充满Cyber Punk风格嘅招牌电脑语音声读出几句句子，大意就系话人类就系靠对话去将不可能嘅事成为可能，而最后一句“All we need to do is make sure we keep talking（我哋所有需要做嘅嘢就系保持住对话）”更是愈嗒愈有味。

而霍金亦都好识拎自己患肌萎缩性脊髓侧索硬化症（ALS，渐冻人症）嚟讲笑，之前他接受访问时就曾经话过自己好想参与007系列嘅拍摄，话自己好适合做电影里面嘅坏人，因为成件事同佢坐紧嘅轮椅同用紧嘅电脑语音声好夹。