【翻生武林】张汉斌演死囚臭足4个钟：含住嚿暖三文鱼先难顶

《喜剧之王》入面的尹天仇，就算被火烧都不敢停低继续演出，星爷演活一个专业演员的态度，想不到TVB亦有一位，就系上星期《翻生武林》第五集，剧中饰演被死囚的张汉斌，虽然该场戏只得短短25秒，但佢完全将一名死囚行刑前受尽的屈辱，演得淋漓尽致，一开始先被鸡蛋掟头，之后菜心、蕃茄、豆腐全部落佢身上，更要生食一嚿肉哽死，画面相当迫真，直达电影级数，我哋睇得过瘾，但张汉斌原来演呢场戏相当辛苦。仲搅到成身恶臭。

【心理追凶】绿叶王唔hea做依然有火　张汉斌：喺TVB冇火挨唔到!

有网友看完都cap下画面，大赞张汉斌专业，不过他就好谦表示尽演员责任：“𠮶日几热架，拍咗4个钟左右，鸡蛋掟埋嚟初时系无嘢，但过咗阵有就啲臭味，其实最难定系豆腐，因为都摆咗大半日，都好酸醙下，其实明嘅，大家都唔想，拍下等下系咁㗎啦；呢场咁短嘅戏，拍咗两日㗎，因为第一次拍，导演想我被嚿肉掟入喉咙哽死，我就俾旧三文鱼掟落口十几次，但监制返公司睇带，觉得哽死嚿肉太细，唔够说服力，所以要补拍，就变咗而家出街版本，我攞嚿肉食哽死。”真系好专业。

不过网友不禁要问明朝为何出现厚切三文鱼腩，唔通系郑和下西洋带返嚟，大家唔好闹无线事事旦旦，原来有苦衷，张汉斌：“剧本写系生猪肉，但导演就改咗系鱼生，唔系真系摆唔到落口，不过就算鱼生都食唔到，因为都摆咗半日，啲鱼生都暖哂，摆落口6，7次，最后都吞唔到.....因为真系感觉好奇怪，不过拍戏系咁架啦，相信每一个演员都会咁做，出嚟效果好咪得啰，我完咗即刻去一厂更衣室冲凉。”呢啲咪专业啰。