【白色强人】剧集唔止讲医生 马国明：有政治成份探讨医疗架构
撰文： 黄梓恒
出版：更新：
《白色强人》准备开拍，今次剧集有两个男主角，一个是郭晋安，另一个便是马国明，两人都是做一个医生的角色。对于马明做医生，相信大家绝对不陌生，事关他在《On Call 36小时》入面做张一健（一件头）真系十分深入民心，不过怕唔怕大家觉得差唔多效果？在接受《香港01》访问时，马明说：“好在就唔会，因为佢呢个角色同一件头系好唔同，一件头系热血同比较新嘅医生，而我今次呢部剧系做一个无欲无求嘅医生，佢又唔要名又唔要权又唔要钱，喺医生圈度浸咗好耐看破好多事。好在个角色系唔同，如果个角色似就好大获，喺演绎上都几麻烦。”
【白色强人】朱智贤首孭重戏有压力 要狂背剧本：我谂要去自修室
除了角色不同之外，其实剧本都有唔同，今次仲有政治成份在里面，马明表示：“同埋今次个剧本同《On Call 36小时》系好唔同，《On Call 36小时》主要系讲热血救人，今次呢套除咗救人仲探讨埋成个医疗架构，监制个野心比较大，佢想讲埋香港个医疗架构下有无咩不公嘅地方，例如穷人无钱睇医生，变咗个范围大好多咗，甚至有政治嘢，例如啲议员嘅斗争，大商家喺医疗架构点揾钱咁。”今次同感情十分要好的唐诗咏合作，马明觉得他们戏里戏外都十分之夹：“好有默契㗎喇，我本身同佢又咁熟，今次我哋做一对离婚嘅夫妻又几啱㖞，我同佢咁熟就好似好啱做呢个角色，你知结过婚一定好了解对方，咁样我同佢咁熟其实系好啱做呢个角色。”