【白色强人】朱智贤首孭重戏有压力　要狂背剧本：我谂要去自修室

《白色强人》好快就开拍，今次剧集有郭晋安、马国明、唐诗咏和李佳芯担纲演出，卡士真系十分强劲。除了留意主角之外，一些配角也不容忽略，朱智贤(Ashley)便是其中一个。

在这部剧之前，Ashley在TVB已经有九次拍剧经验，不过只有今次是戏份较多，在接受《香港01》访问时，她说：“我当系第一次拍剧，之前都系客串多，今次真系第一次咁重戏份，都相当大压力，尤其是对住咁多前辈。我已经将剧本睇完又睇，吞晒落肚㗎喇，我一得闲就会睇，冲凉都会谂住。我想做戏𠮶阵兼顾少一样嘢，当背个剧本耳熟能详嘅时候，就可以专注发挥演技。不过讲起背剧本，我一定要揾个地方坐喺度，唔可以瞓喺床睇，以前读书温书成日忍唔住睇电脑，而家就变咗睇电话，我谂下次我要去自修室。”吓？去自修室咪更加专心唔到，随时引来一大班粉丝㖞！

话晒叫第一套，心情准备好未呢？无论做任何事都好，第一次通常都系兴奋之余带点紧张，她都不例外：“一边好紧张但又好期待，因为我想拍剧好耐㗎喇，所以我一收到消息真系好开心，但开心完就开始紧张。希望今次第一套剧可以俾观众见到我另一面，唔再系剩系识做主持嘅朱智贤。”至于剧入面的角色，Ashley 表示跟现实的自己十分不同，她说：“我个角色系一个新闻总监，啫系全部人都要听我讲，因为个电视台好大，新闻嘅影响力又系好大，咁我就会运用我嘅权力去做嘅嘢咁。个角色同我真人性格好唔同，我平时嘻嘻哈哈㗎嘛，但我睇晒成套剧本都无一场要笑。”好想快啲睇到一个冷艳嘅朱智贤！不过套剧而家先拍，相信好大机会要下年先有得睇，大家等吓喇！