郭晋安离巢转签王祖蓝　睇穿视帝游戏规则：佢要唔俾你绝对可以

《白色强人》好快就会开始拍摄，在剧中担当男主角的郭晋安饰演一名医生，在接受《香港01》访问时，他坦言自己是第一次正式做医生角色，所以要不断睇纪录片学习做手术的过程。

近来有传他会主力北上发展，已签王祖蓝的经理人公司，他亦承认此事，并补充：“其实无话咩北上南下嘅，艺人应该要扩阔自己发展空间，钱就每个人都想揾，但无机会又点去揾钱呢？即使有个机会系未揾到钱，但可以衍生另一个机会都应该去试，我相信祖蓝有呢个能力。”至于是否因为TVB未能帮他发展大陆市场才离开，他则有另一套见解，他说：“每一个机构都有一个方向，如果大家方向唔啱就无谓勉强落去，但个方向TVB唔系做唔到，系绝对做到，不过可能我需要揾一个再合拍啲嘅伙伴去帮我行呢一条路。我会继续帮TVB拍剧，不过可能就会更少时间。”

安仔由85年加入TVB，在这里经历了30年时间（中间离开了三年），期间夺得过3次视帝，跟罗嘉良和黎耀祥一样保持著获视帝最多次数的纪录。问到今年有没有信心凭《再创世纪》再下一城破纪录，他说：“呢个系Bonus嚟嘅，你能唔能够攞到呢样嘢，有几个大原则喺里面，套剧有无回响，观众嘅认受性，同埋最终都系落喺TVB嘅决策入面，佢要唔俾你绝对可以唔俾你。”安仔心水真系好清！