《创世纪》阿强归位拍《再创世纪 》　郭晋安：想同蔡少芬再合作

圣诞完咗喇，又要返工喇！但对于郭晋安来说，公众假期又同闲日有咩分别？他最近忙于拍摄《老表，毕业喇！》，今日就要拍摄圣诞派对场面，完全几乎齐人，但郭晋安就话：“之前圣诞节几日都系得我一个开工。”不过讲到与拍档蔡少芬，安仔就好开心，因为有蔡少芬就有得准时，有时拍戏拍到会有飞纸仔的情况出现。

过两日就2017年，TVB接著都会拍好多重头剧，其中一套就系《再创世纪》，曾经做过《创世纪》的郭晋安直认有剧组揾佢倾档期：“有揾过下嘅，但好多嘢都未confirm，（会唔会做返阿强？）我都唔知呀，都系好草创的阶段。我就冇咩问题，但我都想同蔡少芬再合作下，但我知佢都好忙。”讲到剧集阵容，有不少艺人已经离开无线，但安仔都想原班人马拍摄：“我明都有啲难度，但始终都系经典，都想重现嘅。”又讲到其他当初有在剧集中参与一两集的马国明及林峰，“当初佢哋训练班做过一两集，马明虽然年纪都唔细喇，但隔咁多年都独当一面，可以一齐拍都开心嘅。”另外，同场少不了蔡少芬，刚才讲到，有佢嘅场口都会准时收工：“久而久之，有时冇我嘅场口，都会因为我嘅影响，都会准时完成。”她笑言自己都为大家做咗件好事。

安仔就讲到如果拍《再创世纪》，都想同蔡少芬合作多次。不过蔡少芬就表示暂时未有剧组人员找她，问到如果有机会，会否参与？她说：“她主要睇有冇时间同剧本，因为都要忙住照顾两个女同老公。”