【平昌冬奥】金妍儿感慨金牌才是选手 宋仲基看透韩国体坛黑幕？
2018平昌冬季奥运会仲有2日就完结闭幕，好多项目奖牌都已经名花有主，今年平昌冬奥以“和平”为主题，刚好女子速道滑冰都上演感人一幕，开赛前韩国选手李尚花（音译）被寄予夺金厚望，可惜最后只以0.39秒之差输畀日本选手小平奈绪，只夺走银牌。但就喺李尚花忍唔住当场泪洒之时，小平奈绪马上送上安慰拥抱，而韩国民众都有为李尚花欢呼道贺，与此同时前国家队代表韩国冰上女皇金妍儿过去嘅访问就备受注目。
2010年金妍儿代表韩国出战温哥华冬季奥运会勇夺金牌，翌年却因为失误喺世界花式滑冰锦标赛输畀安藤美姬，其后金妍儿喺颁奖台上泪流满面，众人误解认为金妍儿因为失误感到唔甘心，不过金妍儿喺接受访问时却解释，当时喊系因为准备比赛真系很辛苦，比赛完咗成个都放松晒，另外就系有谂过应该无机会再企喺呢个位置上，所以先至会喊。
不过之后金妍儿就有讲过当时比赛完咗之后，正常会收到好多恭喜讯息，但𠮶次喺世界花式滑冰锦标赛时，一句恭喜嘅说话都听唔到，换嚟嘅系“辛苦喇、唔紧要”等等嘅说话，令到金妍儿觉得好似只有金牌才是选手，即使是拿到银牌，亦都只是同普通人一样。
另外，粉丝都知道喺宋仲基未作为演员出道之前系一名专业溜冰选手，训练时期更长达11年时间，宋仲基又多次代表韩国参加比赛，但就因为一次脚踝受伤，令他被逼放弃溜冰梦，专注学业。不过如今却传出因为宋仲基发现韩国体育界嘅黑暗一面，而且私底下嘅斗争非常激烈，就算几努力都好，只会成为权力斗争嘅牺牲者，又选唔入国家队，毅然放弃溜冰梦，转身投入演艺界行列。不过宋仲基系演艺界发展得风生水起，放弃溜冰梦亦未算得上系件坏事。
更多图片
【平昌冬奥】EXO队长Suho换选手服参赛? Xiumin撑场买62万纪念品
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/