冬奥运动员多韩星朋友　请夏集邮Super Junior东海：弟弟我爱你！

撰文： 沈洛嘉
出版：更新：
韩国冰上女王金妍儿力撑崔多彬，咁其他韩国选手又有边个支持呢？（网上图片）

2018平昌冬季奥运会于上星期五正式开幕，除咗有靓女崔多彬接韩国冰上女王金妍儿棒之外，韩国其实仲有好多靓仔靓女运动选手㗎，而且呢班运动员仲有唔少当红韩星力撑添！

22岁任孝俊为韩国夺得平昌冬奥第一金！（网上图片）

2月11日韩国男子短道竞速滑冰队代表任孝俊（音译），为韩国夺得首枚平昌冬奥男子短道竞速滑冰1,500米金牌！1996年出生嘅任孝俊今年先22岁，1,500米竞速滑冰世界排名为第4位，1,000米世界排名为第6位，今次喺《2018平昌冬季奥运会》夺得短道竞速滑冰1,500米金牌，个人世界排名有望再有提升！

韩国男子短道竞速滑冰队代表任孝俊，仲有同总统文在寅合照啊！（网上图片）
+13

虽然任孝俊嘅个人Instagram未见有更新同韩星合照，但佢就有同韩国总统文在寅合照。其中有一张相就见到任孝俊好chok咁摆pose，好似系studio到影紧杂志相一样。不过任孝俊就自嘲“扮型失败，好彩拣咗去做运动”！

另一位韩国男子短道竞速滑冰运动员黄大宪，早前更获邀出席《FIRST BRAND AWARDS 2018》颁奖典礼。（网上图片）
见惯大场面的黄大宪同韩国国民女团I.O.I请夏合照时，竟然有点怕丑！（网上图片）
+5

而任孝俊嘅队友黄大宪（音译）就真系平昌冬奥小鲜肉喇！1999年出生嘅黄大宪只系得19岁，虽然啱啱先在韩国成年，但2017年开始佢已经分别获得男子短道竞速滑冰世界赛的1,500米金牌、1,000米银牌以及5,000米金牌。黄大宪的1,500米世界排名更系第1位，1,000米世界排名则是第2位，骄人成绩令人不能忽视！黄大宪早前更获《FIRST BRAND AWARDS 2018》邀请出席颁奖礼，佢更同I.O.I前成员请夏、Secret成员全烋星、韩国rapper DinDin合照！期待黄大宪喺《2018平昌冬季奥运会》有更好个人成绩！

Super Junior东海就大力支持韩国Mogul Skiing代表崔在佑。（网上图片）
+7

另一名韩国Mogul Skiing（雪上技巧）代表崔在佑（音译）亦非常厉害！崔在佑原来同韩国男团Super Junior东海非常熟络，SJ日前先喺香港举行完世界巡回演唱会《Super Show 7》，但当晚急急回国嘅Super Junior都好关心《2018平昌冬季奥运会》。当中Super Junior东海更喺个人Instagram公开支持崔在佑，仲写下“睇到Mogul Skiing嘅未来好感动！我爱你我嘅弟弟！You are the best！”睇嚟做运动员都系其中一个可以同韩星亲近嘅方法呢！

崔在佑1994年出生，代表韩国出战《2018平昌冬季奥运会》自由式滑雪。（网上图片）

2018冬季奥运南北韩女子冰球球员传圣火　冰上女王金妍儿接棒燃点

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

【多图】韩国花样滑冰选手崔多彬出赛　金妍儿力撑刷新个人记录2018平昌冬奥南北韩打破僵局同进场　脸红的思春期智煐唱开幕歌朴宝剑周末孖V@BTS游济洲岛　与金妍儿做2018平昌冬奥火炬手