郑亨敦Defconn《一周偶像》下车　银赫@Super Junior神预言成功？

《一周偶像》由2011年开播至今已经踏入第7个年头，节目由郑亨敦以及Defconn主持，将《一周偶像》称为奇迹节目亦不为过，7年间大大小小当红韩星如：BIGBANG、BoA、BTS防弹少年团、EXO、TWICE、BLACKPINK、SEVENTEEN，以及新晋艺人等等，仲有JYP Entertainment社长朴珍荣、Antenna社长柳熙烈，真心就算唔系特定某队粉丝都会睇《一周偶像》！

《一周偶像》当中两个环节“Random Dance”以及“2倍速Dance”吸纳唔少忠实观众，成为K-pop迷逢星期三必睇综艺节目。虽然郑亨敦曾经因为患上焦虑症中途从《一周偶像》下车，改由希兄妹Super Junior字宙大明星金希澈以及EXID女神Hani（本名：安喜延）代班主持，其后郑亨敦身体恢复好后再次担任《一周偶像》主持，但早前同埋Super Junior一齐出演《一周偶像》嘅金希澈，就仍有开玩笑同郑亨敦讲佢随时都可以代班。

但系寻日就突然爆出两位主持郑亨敦同Defconn喺3月7日录埋最后一集《一周偶像》后，就会从《一周偶像》下车，消息一传出之后吓怀大批观众，《一周偶像》PD金镇都有喺Twitter写下“出新闻了，7年间一直做嘅《一周偶像》依家要唔做真系好难过，《一周偶像》制作组以及主持郑亨敦同Defconn都好多谢喜爱《一周偶像》嘅粉丝。”

当初Super Junior以《BLACK SUIT》Comeback上《一周偶像》时，就有讲过因为银赫演出后就停播嘅节目大概有5个左右，银赫当时仲话：“《一周偶像》都要小心啊！”其后银赫又不时喺镜头前做出拉闸动作，搞到平时咩都唔惊的郑亨敦怕怕即时阻止银赫拉闸。唔通《一周偶像》就系因为银赫，最终走唔甩拉闸后果？

更多图片

冬奥运动员多韩星朋友　请夏集邮Super Junior东海：弟弟我爱你！

下载《香港01》App，更多韩星靓相、影片率先睇！

http://bit.ly/HK01_App

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/