【农历新年】庄思敏亲戚朋友都避开唔问感情事：佢哋都唔好意思问

农历新年，香港人传统习俗都会“𢭃利是”，象征住“好意头”。艺人庄思敏更有自己一套增加财运的方法：“我𢭃完啲利是之后，会放喺𠮶一年嘅财位，放到下个年三十晚。我试咗呢个方法5，6年，效果仲唔错添。”

至于新年放假，庄思敏更说爸爸妈妈专程由马来西亚到港与自己一起过年。庄思敏指现在过年反而会派利是与父母：“因为而家自己有收入，所以都会调返转派利是俾爸爸妈妈。虽然封利是佢哋都唔知可以用嚟做乜，不过最紧要都系心意啦。呢个新年佢哋只会留一个星期左右，都会想花多啲时间陪佢哋。自己朋友可能会喺11点后先见，日头同晚饭时间都会同屋企人一齐食。瞓醒就一齐行下街，或者揾啲uncle拜下年咁。”

讲起拜年，一众未婚女性最怕遇到的莫过于是姨妈姑姐“严刑迫供”。不过，庄思敏就表示她本人并没有这个烦恼：“啲亲戚朋友都知咩事，都唔好意思再问。不过感情事其实系好被动，我好难应承话今年一定嫁得出，都要我揾到个人先得㗎。”