【溏心风暴3】米雪演活刻薄难顶上等人　一轮嘴力数王浩信无样好

无线50周年台庆重头剧《溏心风暴3》入面说话最刻薄的，可以算是大许太Amelia（米雪饰）喇，外表高贵斯文成个上等人的她，其实把口好犀利。米雪一向都好憎黄家一家人，睇他们个个都唔顺眼，嫌弃他们出身草根，所以就好反对个女Belle（岑丽香饰） 同Kyle（王浩信饰）拍拖。在她眼中，只会觉得有钱有地位有家底的男人才可以配得上Belle，而要追到Belle，就当然要先过她这关啦。

今晚播出的第28集入面，米雪就发挥她要几mean有几mean的本色，力数Kyle足足10个无！她趁正妈 （李司棋饰）行开了，就同细许太 （庄思敏饰）开始讲起Kyle，当庄思敏话觉得Belle同Kyle都几衬，又话两个可能会慢慢发展成为情侣，米雪即刻落晒闸话：“我个女点都唔会睇得上呢个奶茶仔！”根本就是她自己睇唔起Kyle，仲连珠发炮咁数落Kyle说：“𠮶个Kyle十个无，无学历、无本事、无品味、无修养、无风度、无内涵、无人脉、无地位、无远见、无家教！”结果畀正妈听到，梗系嬲到出烟啦。边个男仔如果见女朋友家长时，遇到个好似米雪咁样的未来岳母，应该都好难可以pass喇，十个无真系好易中。