伯贤V Live想骂私生饭读错电话号码 无辜事主惨被EXO-L炸爆电话
韩国男团EXO成员伯贤在情人节晚上开V Live直播，之不过直播途中竟然不断有电话打畀佢！而伯贤当时即刻话：“佢哋点知我电话号码㗎？”透露佢根本唔知道对方系边个，极有可能是私生饭行为！其实Kpop偶像好多时都会有私生饭跟出跟入，对艺人私生活做成极大影响！好似昨日Wanna One所属经理人公司YMC Entertainment就再度发表声明话会严正私生饭嘅行为。而另一Kpop男团VIXX队长N都发言话唔好去医院揾佢，佢只系想好好喺医院照顾家人。
说回昨日情人节EXO伯贤在V Live直播期间，有来历不明的电话不断打畀伯贤，而伯贤又唔知对方系边个？最可惜系伯贤叫佢唔好再打嚟之余，喺直播期间本来想读出私生饭嘅电话号码，却唔小心讲错个唔关事嘅电话号码，令呢位电话号码嘅主人被误会系骚扰伯贤的私生饭，因而不断收到EXO-L（EXO粉丝）打去责骂！事后那位无辜嘅电话号码主人，便在社交网络表示“虽然伯贤读咗我嘅电话号码，但我连EXO有几多个人都唔知，唔系呢个电话。我唔知道佢嘅电话号码，请唔好再打嚟，我唔系粉丝。”
今日EXO伯贤就喺个人Instagram上帮手澄清“请唔好再向010-5183-XXXX打电话，我睇错咗私生饭嘅电话读错咗，佢同私生饭毫无关系。请唔好打电话，因为呢个唔系私生饭嘅电话。系已经确认过再同大家讲既，拜托大家了！请绝对唔好联系无关系嘅人。唔想再因为我嘅失误令到更多人受伤，所以亦请唔好向我打电话。”EXO-L记住听伯贤话，唔好揾错人闹啊！
【EXO】伯贤：“唔明人们点解抑郁”被轰 今于IG公开道歉兼解释
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/