【EXO】伯贤：“唔明人们点解抑郁”被轰　今于IG公开道歉兼解释

EXO喺12月30日就举行咗2017年最后一个粉丝签名会，而当中伯贤就因为讲错嘢“唔明人们点解会抑郁”被轰，原因呼之欲出，真系好容易令人联想起SHINee已故成员钟铉因抑郁症而自杀一事，由此引起大众广泛讨论。

当时伯贤喺粉丝签名会上就同EXO-L（EXO粉丝名称）提及有关抑郁症问题，伯贤说：“粉丝成日都会同我倾偈，当中好似都有患上抑郁嘅人，我唔明佢哋点解会患上抑郁或者失眠。虽然我唔系要批评啲咩，都知道大家唔能够时时只谂住开心嘅事，身边仍然有好多可以令自己开心嘅人，好似EXO成员咁，仲有如果睇到我会笑就好了。”其实伯贤本意并唔系攻击或者对患有抑郁症嘅人有意见，相反地而系想鼓励患有抑郁症嘅人，但就因为口误被大众喺网上疯狂。

而今日伯贤大约喺香港时间4点通过个人Instagram澄清以及正式向公众致歉。

伯贤写下“关于12月30日喺粉丝签名会现场中，我想为我嘅发言亲自道歉。

其实我最近好惊抑郁症，亦对此好敏感

但系现场我同𠮶位粉丝倾咗好多之后开始好担心，亦都愈嚟愈惊

我想令到我的粉丝开心，签名会上本应充满住开心嘅气氛，佢同我讲完呢番说话之后，我先感觉到情况都几严重，我感觉到好似今日同呢位粉丝分开之后，就无机会再同佢倾偈

因为佢话钟意我，所以我谂住即使只系讲多一句都想可以安慰到佢，让我嘅说话成为佢嘅力量，所以当时就想点都为佢做少少嘢

同呢位粉丝倾完之后直到签名会完咗我都仲系谂紧呢件事

除了𠮶位粉丝之外，相信现场都应该有患上抑郁症或者有唔开心嘅事嘅粉丝嚟咗，当然EXO会在旁边，希望讲出可以令大家加油嘅说话，但系喺呢个过程当中，因为我嘅轻率讲咗啲说话

未能喺短时间内整理好我嘅心情再好好传达我嘅说话，系我能力不足

我都好后悔点解我会喺𠮶时讲咗呢啲说话，拣咗呢啲词语，我真系只系出于想安慰佢以及为佢加油嘅心…

依家写呢篇文时，我都好惊会再写错嘢又再失误

但系我系真心想道歉

对𠮶位粉丝感到十分抱歉，亦跟因为呢件事而受伤嘅所有人致歉

以后会更加小心说话以及行动，成为更小心慎重嘅伯贤”

[KBS歌谣大祝祭]EXO灿烈掉转报纸睇?　SHINee钟铉纪念片段超洋葱!

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/