【情人节】JW王灏儿获富二代男友送特别“花” 够创意100蚊有找
撰文： 冼燕珊
出版：更新：
情人节个个都送玫瑰花，唔通个个都想收玫瑰花咩？好似JW王灏儿咁，情人节收花都收得特别过人，今次唔系西兰花又唔系士多啤梨花咁行嘅嘢，佢收到嘅系“12亿太子爷”男朋友Tarzan送嘅“麦乐鸡花”，JW大赞话系“I think he gave me the best bouquet in the world（我觉得佢送了全世界最好的花畀我）超级超级钟意!!!我真系好钟意食麦乐鸡㗎”，佢仲话扎“花”系男朋友亲手整嘅，而Tarzan都有喺自己IG Po相，仲话扎花100蚊有找。
【情人节】阮兆祥拖足17年 赞女友不似港女：有咩事都唔好嗌交
呢啲咪识做啰，系讲两个都识做，男朋友懂得投其所好，花少少心思，亲手包装，女朋友收到又识得放上网大赞男朋友做得好，大晒幸福，皆大欢喜。不过各位男士请小心，其实此乃高危动作，就算你女朋友好似JW咁钟意食麦乐鸡都好，送“麦乐鸡花”之余，记得搭多份礼物，女朋友加倍开心，仲可保平安，须知道，唔系个个屋企都有12亿身家㗎嘛，切记切记。