【父女恋】唐文龙暗拖黄文意 十亿富家女：系开心愉快嘅
撰文： 冼燕珊
出版：更新：
48岁唐文龙被爆与25岁TVB艺人黄文意(Mandy)谱出父女恋，除了被拍到二人同行尖沙咀共进晚餐，被指11月17日唐文龙生日当天，与Mandy同游大屿山，而Mandy亦唔小心将两人的合照PO上IG，泄露恋情。
+3
唐文龙曾经被误会是基民，佢因此澄清自己的性取向，仲开出择偶条件：“我钟意身材好，白雪雪同埋后生啰。”咦，似乎Mandy好似有中晒呢啲条件。我哋就事件电话访问唐文龙同Mandy，男方回应话Mandy系一个好好嘅女仔，但就否认恋情：“我哋系正常朋友，𠮶日只系咁啱约埋食饭，就被大家影到。”问到Mandy嘅条件同佢喜欢的女生不谋而合，佢就话：“咁我依家唔系择紧偶，我现阶段都系以工作为重。”
+4
而Mandy嘅回应就大赞唐文龙好仔：“大家识咗半年左右，都有出过街，了解过后知道佢系一个心地好好嘅人，为人好慷慨，而且热心助人，所以我间唔中都有请教佢工作。”有关二人现时的关系，唐文龙就话系正常朋友，不过Mandy嘅回应却可圈可点：“呢段时间系开心愉快嘅，但佢系一个男神，我只系一个刚起步嘅艺人，现阶段以事业为重，感情方面、私人生活亦唔想讲太多。”