【3日2夜】张曦雯列出男友8大条件唔简单：要帮猫狗执屎执尿

《3日2夜》播到第3集，相信大家睇住张曦雯（Kelly）带大家游澳大利亚食玩，又玩过山车，又食海鲜，大家都一定睇得好开心。今集更有Kelly抱抱树熊添。不少网民睇完之后就话好想做𠮶只树熊，仲大赞她好“gfable”。虽然她被称为“打机女神”，不过这位“完美女友”的择偶条件并唔系咁高。

Kelly说：“我自己都系一个好开心嘅人，所以如果另一半都系好开心，好钟意笑嘅话就最好啦。（笑容要点先合格？）好似我咁得唔得吖？（高度呢？）高过我就最好啦，虽然我好高但系我都想要有一个小鸟依人嘅感觉。呢个我都知道系难啲嘅，所以高过我嘅话就最好啦。”

众所周知，Kelly除了钟意大自然，另一兴趣就是打机。原来打机也包括在她的择偶条件当中。“兴趣？打机啰，不过逢亲系男仔都钟意打机。同埋钟意小动物，因为我有猫猫同狗狗，当然男朋友就要帮手做嘢，执屎吖执尿，哈哈哈。（仲有咩要求？）要同屋企人close，因为代表佢都会同屋企人close，要孝顺。（使唔使靓仔？）我都唔系好钟意靓仔，但系咁啱之前识嘅都系靓仔，但系太靓仔又唔得，因为会太姿整。（收入呢？）我自己工作收入都OK，所以我冇要求男朋友要赚到某一个数。（如果要你养埋佢得唔得？）咁又唔OK㖞，因为我自己负担好大，仲要养埋猫猫狗狗。”

总括来说，Kelly的择偶条件就是：身高高于1米75、不能太姿整、有灿烂笑容、为人乐观开心、喜爱小动物（要帮手执屎执尿）、爱打机、孝顺、收入能照顾自己即可。睇落其实都唔系好多唧，符合以上条件的巴打们，记得加油喇，情人节等紧你。