【3日2夜】张曦雯坐过山车都show到好身材　冇比坚尼其实仲好睇

《3日2夜》嚟到新一辑第3集，虽然头2集就闷咗少少，只系喺游轮上取景拍摄。（相关文章在此：【3日2夜】 一文睇晒 “游轮美少女”各有特色　最靓一定系伍乐怡／【3日2夜】《禁色令》下减甜变饮食节目　落水玩都要著Tee冇睇头）不过唔紧要㖞，今集终于到万众期待的张曦雯（Kelly Cheung）出场！有睇开《3日2夜》嘅朋友都知道，每逢有张曦雯嘅集数，就一定有“眼睛冰淇淋”食。只不过，今集系冇嘅...

之不过，节目中亦都隐藏了不少“福利”，例如张曦雯玩过山车嘅时候，又或者在节目尾声睇住佢饮香槟坐船享受日落。呢啲画面虽然可能未必够比坚尼阳光与海滩吸引，但系睇住张曦雯灿烂嘅笑容、又咁开心玩过山车、饮住香槟食生蚝，再顺便欣赏下澳大利亚景色，其实呢一集《3日2夜》都未尝不可一看嘅。