《和游记》李升基收到《尹食堂》李瑞镇应援　原来悟空系专务忠粉

tvN韩剧《和游记》就讲到李升基同吴涟序已经发展到要“相爱相杀”，黑色嘅死铃已经响起，象征住两人其中一人必会畀对方杀死，至于手戴金刚箍嘅齐天大圣孙悟空李升基因为受金刚箍嘅限制要保护三藏吴涟序，但李升基又信誓旦旦话唔会畀吴涟序杀，最多系吴涟序郁手之前消灭佢，究竟有无得Happy Ending都仲系一个谜！

另外，李升基同tvN综艺《尹食堂》嘅李瑞镇私底下交情甚好，又同是Hook Entertainment所属艺人。李瑞镇近日仲为咗李升基就送咗咖啡应援餐车去《和游记》剧组，餐车仲写下“502cafe”，真系劲有sense啊！502有悟空儿（오공이）嘅意思，就好似李升基喺《和游记》入面架车嘅车牌都系5050，即是悟空悟空！非常可爱！

李升基喺自己Instagram更新认证照时都有写下“寻晚播《尹食堂》时，《和游记》拍摄现场出现咗由李专务请客嘅宵夜咖啡车，Hook Family瑞镇哥多谢你。”其实李升基喺《和游记》入面都系《尹食堂》嘅忠实粉丝，就连牛魔王车胜元睇紧自己嘅新闻时，突然就被李升基转台话要睇《尹食堂》，先唔理《尹食堂》同《和游记》都系tvN嘅节目，但互相支持同宣传嘅方法都好搞笑同可爱啊！

更多图片

朴信惠为《和游记》李洪基@FTIsland送餐车应援　猪八戒点回应？

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/