《和游记》吴涟序眉毛要自然　崩眉冇修饰掀韩流化妆新指标?

撰文： 冼燕珊
出版：更新：

近年韩风盛行，韩系一字眉都兴咗几年，中港台上至女星，下至素人，都画一字眉示人，韩系彩妆亦成为亚洲流行指标，不过疑似出现新兴眉型，最近大热嘅韩剧《和游记》中，女主角吴涟序一对眉毛，就似乎唔系跟以往嘅潮流，甚至可以话系开创一条新路，不过靓唔靓就见人见智喇。

韩剧《和游记》女主角吴涟序一双眉极不对称。（网上截图）

由人类对化妆有认知以来，无论眉形点变，有一样不变嘅，就系就算个人本身双眉生到几岩巉都好，都要将佢画返工整对称，但系睇返吴涟序双眉，虽然系有画到，但系毫不对称，高低眉不特止，而且右边条眉头仲崩咗少少，竟然完全没有修饰，反而顺住佢本身眉毛嘅缺憾画返出嚟。韩风祟尚表现自然，追求化咗好似无化嘅效果，呢种风格依家烧去眉毛呢PART，呢种新嘅画眉方式，似乎将“自然美”发挥到极致，对于化妆界一直以嚟追求眉型对称嘅坚持，无疑系一个好重大嘅冲击。

工整的韩系一字眉兴咗几年，好多女星都钟意以此眉型示人。（微博图片）
吴涟序一双眉形充满缺憾美，唔知呢种咁自然嘅画眉方式，会唔会掀起新嘅韩妆热潮呢？（网上截图）
呢种咁自然嘅画眉方式，对于化妆界一直以嚟追求眉型对称嘅坚持，无疑系一个好重大嘅冲击。（网上截图）

剧中除咗吴涟序之外，饰演马秘书嘅李伊，佢对眉都系偏向自然，跟返自己眉型画，没有太多修饰，甚至乎连牛魔王心心念念嘅罗刹女，对眉都系唔公整的。

唔止吴涟序，剧中饰演马秘书嘅李伊，佢对眉都系偏向自然，跟返自己眉型画，没有太多修饰。（网上截图）
网上截图

有人话吴涟序有一个“脸盲样”，一时似金喜善，一时又似宋茜，而笔者有时就觉得佢真系好似惠英红，但佢条充满缺憾美嘅眉，又提高佢嘅辨识度，缺点反而成为优势。唔知呢种贴近天然嘅“缺憾眉”能唔能够掀起新嘅韩妆热潮呢？如果得嘅话，无疑系一众手残女嘅福音。

【万千星辉】胡定欣短发收埋100枝发夹 深夜直播拆到手软

胡定欣100枝发夹变短发 激赞御用发型师 ：佢喺我心目中系神！