回归无线不是梦？ MC Jin 叫大家集气：问下问下可能成事
撰文： 冼燕珊
出版：更新：
欧阳靖MC Jin和欧阳震华前排在上海相遇，Bobby仲上载几张合照，同框仲有万绮雯，引发大家猜测MC Jin系咪回归TVB拍剧，因为刚巧TVB新剧《法证先锋4》其中两位主角就系Bobby同万绮雯。
后来呢件个传言被证实系流料，MC Jin今日出席时装活动回应此事，话其实都有兴趣返TVB拍剧:“我希望大家咁问下问下真系可以成事，真系有一日会有收到个电话打嚟叫我开剧，不过无都唔会失望嘅。”仲笑言大家如果真系想睇佢拍剧，就集气联署上书咁话㖞。
Mc Jin唔担心内地禁嘻哈文化 :无因此而觉得不知所措！【偶像练习生】为内地节目担任导师 MC Jin自谦：叫我Rapper就够MC Jin返无线拍《法证先锋4》？Bobby： 两个‘欧阳’相遇好开心
MC Jin仲话今次见到Bobby好开心，原来佢地两个都有段渊源，当年MC Jin仲未加入TVB，喺尖沙咀巧遇Bobby，佢主动走上前同佢讲：“你好呀！我叫欧阳靖，好钟意睇你演戏㗎。”当时Bobby都未认识欧阳靖系边个。“我咁多年嚟都好记得十几年前喺街度遇到欧阳震华，但估唔到原来佢都记得我就系十多年前喺街度截停佢嘅欧阳靖。”MC Jin仲话觉得系一场缘份，希望真系有机会见到两位“欧阳先生”一齐演戏啦。