MC Jin返无线拍《法证先锋4》？Bobby： 两个‘欧阳’相遇好开心

台庆剧《夸世代》进入大直路，结局快将揭晓，个个都好紧张，饰演男主角宋仲基的Bobby（欧阳震华）仲率先曝光咗张剧照，睇嚟之前话有打丧尸嘅剧情系坚料嚟。宣传完《夸世代》，Bobby就分享咗一张喺上海偶遇开紧演唱会嘅MCJin（欧阳靖），上面就写道：“两个‘欧阳’有缘在上海相遇，好开心呀！”，而MCJin又覆返佢：“好朋友就要珍惜。”睇嚟好似好Friend咁，但两个人之前好似冇合作过㗎㖞。

原来早喺上年11月维基百科似层层咁爆料话《法证先锋4》有马国明、黎诺懿、万绮雯参演，讲到好似真咁。不过空穴来风，之后监制梅小青又喺微博度Share自己参观法证仪器嘅相，答应呼之欲出喇！

上个月其实Bobby私下约咗同MCJin聚一聚，有网友就话合作《法证4》睇好你咁，MCJin不但冇否认，仲话：“我随时准备好出发做调查。”唔通MCJin正式返娘家拍剧？但佢之前返大陆拍《中国有嘻哈》震惊咗中国13亿人口，唔知佢嘅片酬会唔会十级跳呢？但事后我哋揾到MCJin问系咪真系落实会拍《法证4》，佢就话原来系流料嚟，真系可惜，好想喺大台见到Hiphopman啊！