【阿娇结婚】担心未婚夫赖弘国唔成熟 网民衷心祝福终于唔狙击
撰文： 李妍桦
出版：更新：
原来养狗真系可以嫁兽医，凌晨（1/2）阿娇（钟欣潼）喺社交平台度分享一张3卡巨钻戒指相，上面写道：“下一站幸福。”阿娇终于Say yes嫁畀台仔赖弘国，即系有“台湾医界王阳明”之称嘅阴道美容师，37岁嘅阿娇要做人妻喇！
【阿娇结婚】台湾医生男友赖弘国求婚 ig晒钻戒：下一站幸福【阿娇结婚】拍拖半年即闪婚 医生男友赖弘国：给她最大幸福
+4
结婚本来系开心事嚟嘅，好似姊妹Joey（容祖儿）同阿Sa（蔡卓妍）都即刻留言话：“你的幸福就是我们的快乐，爱你。”相当温馨，而网民亦戥阿娇开心，为佢揾到真爱而觉得感动，祝佢幸福，有好归宿。
但香港人出名把口Mean，又点会放过阿娇？每次讲起佢，大家都要提返十年前嘅淫照事件，笑男方抵得谂肯要阿娇，仲好口臭咁话男方系“办年货”，Come on James，Old news都仲要不停翻炒，真系唔知阿娇几时可以摆脱呢班花生友。不过，今次就好多人企出嚟撑阿娇，异口同声叫“放过人啦”，仲好仔细分析结婚系好事，但担心男方唔够成熟，情史一大堆唔再讲，上一段婚姻只系维持咗半年就闪电离婚，希望佢停一停、谂一谂。