【夸世代】张继聪冇得现身拎最佳剧集　“屋企睇都开心！”

刚刚在万千星辉颁奖典礼获得“最佳剧集”的《夸世代》，一众台前幕后自然会大肆庆祝。唯独虽然在剧中担任要角，可惜因公司关系而惨遭TVB封杀的张继聪就没机会亲身参与盛事，而今天他就出席由英皇、阿里巴巴及优酷合作的超级网剧《PTU机动部队》发布会，亦回应了一二。

虽然未能亲身到场与一众《夸世代》台前幕后分享喜悦，但阿聪就表示没有遗憾：“《夸世代》暂时系我喺TVB最后一套剧，但可以同一班非常出色嘅台前幕后合作，我觉得好圆满！虽然冇亲身去颁奖礼，但我喺屋企睇都一样开心。”虽然短时间内未必可以再于TVB看见阿聪，不过以阿聪的人气度，相信仍有好多途径可以看到阿聪的演出。

“今年工作都排得七七八八，主要系电影工作。至于TVB我永远都感谢佢俾咗好多机会我，但事情未解决之前，我就先专注电影工作。未来嘅事讲唔埋，话唔定可以好快再合作呢！”答得大方得体又不忘本，抵赞！希望都尽快可以同TVB破冰，让大家再听到更多金句！

上年张继聪都拍了不少电影，《小男人周记3之吾家有喜》、《拆弹专家》、《西谎极乐之太爆太子太空舱》、《今晚打丧尸》等，每一套都有一定份量的演出。问到他如何看今年的香港电影金像奖，他就表示自己相当睇好《29+1》周秀娜，以及《空手道》邓丽欣：“我觉得《29+1》系一套好用心嘅本地制作，而Chrissie亦都演得非常好。Stephy啱啱先拎完影后，之前亦同佢合作过，觉得佢系一个身上充满宝藏嘅人！”不过他本人目前就表示没有野心争奖，只要做好演员本份就可以。加油呀！张继聪，好多人都好钟意睇你演出！