【万千星辉】马明失落视帝　唐诗咏：佢永远系我最佳男主角！

入行15年今年终于凭着《不懂撒娇的女人》Cherry一角成为视后嘅唐诗咏，获奖后接受《香港01》访问时就话除了多谢田蕊妮同妈咪之外，仲有要多谢好多人，“一定要多谢我身边一班好朋友，佢地每日都send msg俾信心我。当然仲有Stephen（陈志云），我嘅经理人，仲有哥哥同爸爸！”

唐诗咏笑言无谂过自己会得奖，所以未有庆祝活动，“咁爸爸都系系屋企等我嘅，返去食啲嘢咁。”提到在台上特别点名感激田蕊妮，她透露认识对方一刻她就帮助自己好多，“无论做戏定系人生发生咩事都好，佢都俾好多鼓励我。咁所以我都同自己讲，如果有机会系呢个台拎呢个奖嘅时候，我一定要多谢佢，咁等咗咁耐，佢终于等到啦！多谢你呀，田蕊妮小姐！！”讲到好友马国明失落视帝奖项，但就由好拍档王浩信夺得，会否替马明感到不值？唐诗咏就话，“佢永远系我最佳男主角，两个拎我都好开心，都会同佢照庆祝，一起努力！”