【万千星辉】唐诗咏拍片拉票做视后　一秒含泪好犀利

TVB嘅“万千星辉颁奖典礼”日渐逼近，除了公司播广告为艺人拉票，艺人私底下都要谂方法突围而出。就好似“龙猫”何远东同“Cherry”唐诗咏咁，今日佢哋就嚟咗段crossover，名叫“不懂降魔的女人”，交叉重演《降魔的》及《不懂撒娇的女人》在的士上的场面。

唐诗咏上咗的士之后，掉十蚊银时唔小心掉亲前面饰演的士司机的何远东。何远东秒速抽水，讲咗几句：“仲话你系不能错过嘅女友，其实你就系不断错失的女人呀！做咗咁多年，奖呢？你有冇呀？”唐诗咏之后就话：“都冇所谓喇，都咁多年啰…”话口未完佢就嚟料喇，重现返佢喺《不懂撒娇的女人》同宣萱闹交嘅场面，秒速含泪，真系好演技。之后何远东都重演返龙猫畀人压死𠮶幕，不过死唔去…

去到最后，两人就入正题。唐诗咏原来极睇好何远东，仲公开祝福到时一定会拎奖。何远东都讲笑咁话，到时会著白底衫出席台庆。不过，临尾都要自抽公司一下，当唐诗咏谂紧自己到时著咩衫时，自爆咗句：“限奶令㖞…”不过佢都预告咗到时会著露背…今次个组合都几特别。