【港女讲感情】陈嘉倩陷入感情三角大混战 贱男一拖二先最抵闹！
撰文： 李妍桦
出版：更新：
大台花旦走吓一个又一个，但唯独嘉倩BB（陈嘉倩）一直无离开过大家，早前佢就辞职离开大台话要去读Master，但因为佢成日就Upload Facebook，所以一举一动都依然受到大家注视，网友暗地里FF如果做到嘉倩BB就好，可以日日同佢上堂做Group project。
【港女讲感情】陈奕迅Medley卖回忆 每位姊妹都有一张最窝心歌单
【港女讲感情】许志安拣同郑秀文同月受洗 行前一步走入对方世界
+3
可惜好景不常，人红自然是非多，嘉倩BB被狗仔队影到佢秘密同“凸肚男”一齐，大家都以为系嘉倩BB偷食，点知最尾发现原来同医生男友一早散咗。女神回复单身本身就普天同庆，但女神点可以同平凡肥仔陈志远一齐，公平咩？点知咁都未算爆，网民伽利略上身起底个“凸肚男”，发现原来个陈志远系本身有女友，仲要系圈内大台嘅朱婉祯。
之后三个人就陷入大乱战，首先嘉倩BB就出大招喺Facebook写千字文诉苦话自己好冤枉，话：“陈先生交往期间，我完全不知道有这样一位‘女友’存在。”成班粉丝即刻留言声援女神，点知正印朱婉祯即刻反撃，话嘉倩BB之前已经Inbox过佢，又何来唔识？嘉倩BB受重撃，形象被扣50分，紧接著陈志远又出嚟自认贱男外话陈嘉倩一早就知佢有女友，哗，2 Combo，嘉倩BB受到严重重撃，形象插水，成件事仲好睇过《溏心风暴》阿真系，小二，花生阿唔该！
不过咁，感情事真系要本人先知道发生咩事，大家可能唔知咩事就惯咗闹小三先，破坏人哋感情，系狐狸精！但其实最应该闹嘅系一脚踏两船嘅贱男，正所谓“牛唔饮水唔禁得牛头低”，其宾只要男方本关得好根本就咩事都唔会发生。本身佢自己对感情都咁唔忠诚，之后再话个女仔明知我有女友都冇用啦，边个信你？