唐文龙亲揭同陈少霞分手原因 ：继续喺埋一齐对双方都有坏影响
撰文： 张嘉敏
出版：更新：
唐文龙（Michael） 最近凭《溏心风暴3》人气暴升，工作量激增，又做了极多的访问。今日商台就播出了Michael的一个访问，他罕有地谈及他的感情事，更亲揭当年与旧爱陈少霞分手的原因。可能大家已经忘记了，甚至未必知道原来Michael同过陈少霞拍拖，呢段恋情发生于Michael初入行不久，两人曾经拍拖6年，可惜未能开花结果，他们亦从无公开交代过分手原因。
Michael在今次的电台访问中首次披露了当年两人分手的原因，强调自己从没跟任何人说过：“当年虽然我最后由台湾返咗香港，但大家都好少见面，佢又忙。而且当时大家仲后生，都有嘈交嘅时候，性格方面有时又会有分歧嘅地方。再加上𠮶时系有啲原因，令我哋觉得如果继续喺埋一齐会对双方都有坏影响，唔到我哋唔信，因为有啲结果印证咗。例如我同佢一齐，佢父母嘅身体健康变差咗，我嘅事业亦好似一路走下坡。你话迷信又好，信邪又好，点样都好，我哋系因为咁而分开。”估不到导致两人分手竟然是因为迷信，不过彼此为了双方着想，唯有忍痛分开。
至于他在06年因要转战大陆市场而主动跟拍拖7年的空姐女友分手一事，Michael直认当时的心态是不想误了对方的将来，怕对方再为自己浪费青春，根本给不了甚么承诺对方。Michael说：“当时佢就快32岁，我都就快40岁，又要去北京发展，我睇唔到大家会有将来。加上我当时嘅经济好唔掂，跟我只会揽住一齐死。所以我先作出咁狠狠嘅决定，唔想再继续去纠缠。我觉得我无做错，因为我坦白。”Michael又自言一生人并无咩对唔住人，只是亏欠了他这位前度女友，如果有下世，甘愿来世去偿还给对方。他目前仍会先专注于事业工作上。
【溏心风暴3】48岁唐文龙点解可以咁fit？ 街头体能训练操到爆肌
+3