【兵仔讲兵法】闹爆情侣睇戏5宗罪 单身兵仔真心嬲唔系妒忌
无论你系追求紧女神的兵仔，还是“其实毒X一个更开心”的宅男，都一样有睇戏消遣的权利，尽管戏院内坐满了一Pair Pair变态式放闪情侣，但只要部戏够吸引，也可以各自投入电影世界，同孤独感讲声Bye Bye。但世界上永远有一种甚为讨厌的情侣，讲乜做乜都好，总要话畀所有人知他们正沐浴爱河之中，而且无视时间地点，包括需要安安静静睇戏的电影院，兵仔就不幸遇过不同的睇戏情侣，做出以下5种乞人憎的行为，令人发指。
迟到入场
情侣的拍拖模式，离不开行街睇戏食饭，但麻烦一众眼里只有对方的情侣，要留意一下电影的入场时间，往往开场时才拖住手入场，不停听到座位间响起“唔该借借”、“Excuse me”，有冇谂过其实好扰民，你估出出戏都系《玩转极乐园》可以迟廿分钟入场，仲有唔少情侣因为匆匆入场，到坐低之后，又轮流起身去厕所，一个字“烦”。
讲解剧情
另一个令人发指的行为，叫做“讲剧情”，好多男仔叻唔切，要系女友前表现自己，不断讲解剧情，有理由相信他预早睇过一次，或者睇匀坊间的大小影评，做足功课在女友前认叻攞威，其实要扮“影评人”可以在睇完戏之后慢慢吹水，不用一边睇一边剧透，记住一句民间智慧“剧透死全家”。
问点解？
对比起男仔睇戏时讲剧情的扮嘢行为，亦有女仔要表现自己“嗲嗲猪”的一面，智商急剧下降变成负数，再加上变成“问题少女”，不停向男友问“点解嘅？”、“唔系好明”，虽然唔明白应该问，但麻烦要睇下场合，就系妳𠮶几句“点解嘅？”，刚刚叠咗戏里面嘅对白，若然是紧张关头因为妳哋而出现无数“黑人问号”，你哋话系咪情何以堪呢？拜托，不要问，只要看。
相关文章：
【兵仔讲兵法】陪食麦记好难得？ 男人心声：帮到首付就系好女友
摸黑互动
一对恋人情到浓时，在黑漆漆的戏院内，难免会依依泣泣，而“依泣”的意思，代表肢体上互动，当他们努力互动的时候，在身后的观众，为了能够顺利睇戏，亦只能随住他们郁动，无计，因为要避开活动中的人头身影，骨牌效应下，坐在再后边的观众又要跟着动，睇场戏啫，搞到做运动咁，想点呢？
传送小食
睇戏食下爆谷等小食，确是无可厚非，但都要顾下附近观众嘅感受，你哋将小食传来传去嘅时候，知唔知其实好大声，令到本来投入睇戏嘅朋友，硬生生被拉回现实世界，come on，记住入得场重点系欣赏电影，唔系开大食会呀。不过讲到尾，毒男见到情侣依偎住睇戏，就系唔顺架啦，否则唔会有人逢在情人节嘅日子，到戏院将相连座位嘅戏飞，隔住咁扫清啦。