【兵仔讲兵法】追到女神就好幸福？　之后相处先知味道

热恋中的男女，任何时侯都系打情骂俏，卿卿我我，仲不时大放闪光弹，就咁睇落当然好幸福甜蜜，但蜜月期一过，男女的真面目先会尽情展现，兵仔千辛万苦追到女神，幻想之后会快快乐乐生活下去。如果你真系咁谂，只能讲句“唔好太天真啦”，这个时侯才是考验你们能否继续下去的关键，尤其是遇上女友的恶劣行径，令男仔一系忍到变咗忍者小灵精，一系嗌大交收场，以下五大恶顶行为，你女友中咗几多样？一样都无，恭喜你，快些结婚啦。

讲到男女拍拖时女友难顶行径，其实又不是什么大奸大恶的事，只是会令你好难堪，例如陪她到内衣店拣Bra拣内裤，又或者每个月有几日唔方便，叫你到超市买M巾之类，虽然无伤大雅，但系好多男仔都唔想做，下场就系被女友指责“你都唔爱我嘅”、“做少少事都诈型，点行落去？”，讲到咁唯有认衰仔，但久而久之，感情难免受到影响。

劣行一：逼你跪地认错

相信好多男仔都知道，唔好同女友讲道理，有乜争执最后都系你错，咁系“有错要认，打要企定”的原则下，若然女友要你当街跪地认错呢？话晒男儿膝下有黄金，大街大巷要跪地认错，真系乜面都无晒，不过唔好以为无男人肯咁做，你睇下“14巴港女”单新闻，就知乜嘢叫一个愿打，一个愿挨。

劣行二：逼开联名户口

男女拍拖之后，你嘅钱已经唔再系你嘅钱，为了将来当然要有计划，而最普遍的做法就是开联名户口一齐储钱，之后每个月要入钱落去户口，想买乜嘢要问过女友，你的财务状况女友了如指掌，如果你买咗嘢无申报，咁你大镬啦，实系嘈交收场。

劣行三：周街同人嘈交

好多人以为男人先会牛脾气，其实女仔都可以好横蛮，尤其是香港地人逼车多，去下旺区都碰撞难免，真系同人嘈起上来，做男友点算好？帮口定帮手？还要视乎同你们嘈交一方嘅战力指数，万一唔好彩俾人打一身，确是几麻烦。

劣行四：逼你问路

男仔基本上认路能力会比女仔优胜，但凡事都有例外，同女友去到一笪陌生地方，老实讲唔识路咪用手机Google地图，简单又快捷，偏偏有啲女仔会叫你周街问人，但又未必问到结果，最后得个烦字。

劣行榜第一位：人尽可夫，只有你无份

拍拖后女仔依旧守身如玉，每次你想更进一步，她都会话留返重要嘅嘢结婚之后做，当你被三番四次拒绝后，作为男仔一定会相当无瘾，不过咁都算，尊重女方意愿，但有一日你在朋友口中得知，她背着你跟其他男仔发生了关系，而且不是单一事件，之后想唔分手都好难。以上确是真人真事，希望这些不幸没有发生在大家身上啦。