《第32届金唱片》李遐怡唱《Breath》不忍落泪　坚持唱完成首歌

一连两日嘅《第32届金唱片》（Golden Disk Awards）快将接近尾声，各大奖项都即将有主人认领。今朝亦都有同K-pop迷预告过，李遐怡会唱出由SHINee已故成员钟铉作词作曲嘅《Breath》，今日李遐怡就以一身黑色长裙站上《第32届金唱片》嘅舞台。

年仅21岁嘅李遐怡经历失去娱乐圈好同僚后，再喺舞台上唱出呢首咁令人感触嘅歌，其实一啲都唔容易。演出中，李遐怡都好努力咁坚持唱完《Breath》，要带住感情唱出令人心痛嘅歌词，令到李遐怡唱到一半都忍唔住背对镜头、背对观众拭泪。

而观众都纷纷给予李遐怡热烈嘅掌声以示支持、鼓励，最后李遐怡都坚忍抺去泪水，继续唱完整首《Breath》，再度获得大家鼓励嘅掌声。虽然李遐怡唱完之后并无发表任何感言，但我哋都知佢嘅心痛以及挂念。最后《第32届金唱片》主持成始璄同姜素拉都表示“钟铉系一位好出色嘅音乐家同DJ，祝愿一路好走。”

（观看更多） 《第32届金唱片》Yeri@Red Velvet又被闹　李遐怡唱Breath念钟铉

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/