【2018除夕倒数】成勋首次袭港陪粉丝　 同王君馨超近距离对望

2017年最后一日终于都嚟喇，《焦急的罗曼史》车本部长成勋仲奉献咗自己嘅第一次，特登嚟到香港同粉丝倒数！虽然成勋身在香港，但个心都无忽略到韩国嘅粉丝㗎！因为韩国时区早香港一个钟，差唔多香港时间11点（韩国时间12点）成勋仲特登开Instagram Live同粉丝先倒一次数！

摄影：陈顺祯

而上水广场除夕倒数迎2018除咗有成勋之外，同场仲有吴业坤、岑丽香、王君馨、朱千雪、谭嘉仪、张秀文、孙慧雪、谷微等，成晚有歌听之余仲有请粉丝上台大玩游戏。其中成勋需要喂女粉丝食棉花糖，但佢竟然自己食咗粒先再喂粉丝，仲劲sweet咁对住粉丝“啊”再喂佢食！其实唔止喂食咁简单，呢位女粉丝仲获得成勋强而有力嘅拥抱以及额头贴额头超近距离接触，就完个阵成勋仲借位好似想锡落佢到添！

成勋出席香港除夕倒数活动高清图

之后成勋好Nice继续同一众女星以及粉丝玩游戏，仲要扮返喺《焦急的罗曼史》同宋枝恩拍摄嘅场面，今次就到张秀文上场同成勋一齐摆甫士，搞笑嘅坤哥仲话要偷掂成勋只手添！而到王君馨同成勋要摆甫士时，作为人妻又一向行开性感路线嘅王君馨都系唔及成勋主动，成勋一手捉住王君馨对手去捉住佢嘅西装领，再超近距离对望，真系少啲气场都坚持唔住！

（观看更多）

《Running Man》成勋和全昭旻甜蜜互动　李光洙吃醋紧张盘问

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/