为了Wanna One朴志训　女fans不惜找上ex-boyfriend......

女人喺呢个世界上最憎至少会有3样嘢：“曱甴、小三同埋男朋友个ex（为了Wanna One朴志训　女fans不惜找上ex-boyfriend！）”！莫讲话同男朋友个ex做朋友，就算你同男朋友分咗手之后都未必做到朋友啦！一般嚟讲由恋人关系变返做“朋友”，真系有几多对“曾经”系情侣可以做得到？Kpop界中，少女时代成员润娥（又译：允儿）同李胜基分手后同台一样零交流，而超sweet同公司艺人李圣经同南柱赫、少女时代队长太妍（又译：泰妍）同EXO成员伯贤、f(x)成员Krystal同EXO成员Kai做返前后辈已经好厉害！

不过昨日喺韩国电台节目《两点逃出Cultwo Show》入面，就有个女听众phone in讲出自己嘅经历，相信Kpop粉丝同Wannable（Wanna One粉丝）就会感同身受！事关呢个女仔就话喺佢觉得生活好苦又要自己一个人过生日嘅时候，命运就安排佢喺电视见到Wanna One朴志训，由𠮶刻开始佢就决定要将生命奉献畀朴志训！虽然听落系好疯狂！但无可否认Kpop偶像其实系好多人嘅精神支柱，唔一定系“屏幕饭”，也可能望住个mon会心微笑，日常生活的压力就会得到舒缓。

就系咁呢个女仔开始帮朴志训喺《Produce 101》Season 2入面拉票，仲揾晒身边所有嘅人，更连ex都揾埋唔放过！抚心自问如果唔系同ex和平分手都唔知点样讲出“Hi”呢个字？好多人喺街上唔小心撞到ex都会视而不见，何况仲要发message拜托佢帮你做嘢？之不过，呢个女仔就话“我只系想帮朴志训投多一票，只要咁做就会令我觉得好幸福”，所以话“爱”真系会令到女仔能人所不能。最好笑系佢个ex最初竟然以为系想拉复合，仲表明“我有女朋友㗎喇”，好彩个女仔解释完之后，ex都有帮佢投朴志训票。峰回路转系几日之后ex嘅现任女友，竟然知道两人仲有联络，而有事发生！

Wanna One戴“SBS歌谣大战”发卡　邕圣祐与河成云负责搞笑

女主角惊ex嘅现任女友误会，所以都有努力解释，仲话想同佢道歉，点知倾倾吓就发现原来大家都系《Produce 101》Season 2嘅粉丝，仲要一样都系钟意朴志训！睇嚟呢两个女仔嘅taste都好接近，同一个男友、同一个偶像，两人仲一见如故，成日会互send朴志训嘅相片同影片。之不过，喺ex知道呢两个女仔咁样一齐追朴志训后，竟勃然大怒，仲话要同现任女友分手。最后佢哋真系分咗手，反而呢两个女仔就愈黎愈friend，仲喺上个月Wanna One嘅演唱会中见面！呢个结果真系出人意表，认真一问有几多男女，可以同ex嘅现任做朋友先？本身喺朋友都已经难，始终女人都系小气、死心眼同记仇啲啲㗎嘛！

Wanna One朴志训，祝Wannable圣诞快乐片段：

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/